ଓଡିଶାକୁ ଦିଲ୍ଲୀ , ଗୁଜୁରାଟ ମଧ୍ୟ ପ୍ରଦେଶ ସହିତ ସମକକ୍ଷ କରାଗଲା

ମୋଟିଭି ଓଡିଶା ବ୍ୟୁରୋ : ଚଳିତ ନିର୍ବାଚନରେ ଓଡିଶାରେ ବିଜେପି ୨୧ ରୁ ୨୦ ଲୋକସଭା ସିଟ ହାତେଇଛି । ଯାହା ଓଡିଶାକୁ ଦିଲ୍ଲୀ , ଗୁଜୁରାଟ ମଧ୍ୟ ପ୍ରଦେଶ ସହିତ ସମକକ୍ଷ କରାଇଛି । ଓଡିଶାରେ ବିଜେପିର ପ୍ରଦର୍ଶନ ଅତ୍ୟନ୍ତ ସାନଦାର ରହିଛି । 

ଦିଲ୍ଲୀରେ ୭ ରୁ ୭ ଲୋକସଭା ଆସନ ବିଜେପି ଜିତିଥିବା ବେଳେ ଗୁଜରାଟରେ ୨୬ ରୁ ୨୫ ଆସନ ଜିତିଛି ବିଜେପି । ସେହିପରି ମଧ୍ୟପ୍ରଦେଶରେ ୨୯ ରୁ ୨୯ ଆସନରେ ବିଜେପିର ଲୋକସଭା ପ୍ରାର୍ଥୀ ବିଜୟ ଲାଭ କରିଛନ୍ତି । ଏହା ସହିତ ତାଳ ମିଳାଇଛି ଓଡିଶା । ୨୧ ରୁ ୨୦ ଲୋକସଭା ଆସନ ଦଖଲ କରିଛି । ଓଡିଶାର ପରିବେଶ ବିଜେପି ପାଇଁ ଅନୁକୁଳ ରହିଥିବା କଥା କହିଥିଲେ ବିଜେପିର ବରିଷ୍ଠ ନେତା କୁଶାଭାଉ ଠାକରେ, ସୁନ୍ଦର ସିଂ ଭଣ୍ଡାରୀ । ୧୯୯୩, ୧୯୯୪ ଏବଂ ୧୯୯୫ ମସିହାରେ ଏହି ଆକଳନ କରିଥିଲେ ବିଜେପିର ଏହି ତୁଙ୍ଗ ନେତା । ସେମାନଙ୍କ ଦୁରଦୃଷ୍ଟି ଏବେ ସତ ହୋଇଛି । 

ସେପଟେ କାଲି ଓଡିଶାର ନବ ନିର୍ବାଚିତ ବିଜେପି ସାଂସଦ ଦିଲ୍ଲୀ ଅଭିମୁଖେ ଯାତ୍ରା କରିଥିଲେ । ବିଜେପି ସାଂସଦମାନେ ଦିଲ୍ଲୀରେ ପହଂଚୁଛନ୍ତି । ଆସନ୍ତାକାଲି ବସୁଛି ବିଜେପିର ସଂସଦୀୟ ବୋର୍ଡ ବୈଠକ । ବୈଠକରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଔପଚାରିକ ଭାବେ ସଂସଦୀୟ ଦଳର ନେତା ଭାବେ ଚୟନ କରାଯିବ । ପରେ ରାଷ୍ଟ୍ରପତିଙ୍କ ନିକଟକୁ ସରକାର ଗଠନର ଦାବି ନେଇ ଯିବେ ପ୍ରଧାନମନ୍ତ୍ରୀ । ୯ ତାରିଖରେ ସନ୍ଧ୍ୟା 6ଟା ସମୟରେ ନରେନ୍ଦ୍ର ମୋଦି ୧୮ତମ ଲୋକସଭାର ପ୍ରଧାନମନ୍ତ୍ରୀ ଭାବେ ଶପଥ ଗ୍ରହଣ କରିପାରନ୍ତି । ଏହା ପୂର୍ବରୁ ଆଜି ନିର୍ବାଚନ କମିଶନ ଅପରାହ୍ନରେ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କୁ ଭେଟି ନବ ନିର୍ବାଚିତ ସାଂସଦ ମାନଙ୍କ ତାଲିକା ପ୍ରଦାନ କରିଛନ୍ତି ।