କୁମଡାମୁଣ୍ଡା ନକ ଆଉଟ ଫୁଟବଲ ଟେମରା କୁ ପରାଜୟ କରି ଡ଼ଙ୍ଗରିଗୁଡା ବିଜୟ।

କଳାହାଣ୍ଡି : ୦୯/୧୧

କଳାହାଣ୍ଡି ଜିଲ୍ଲା କୋକସରା ବ୍ଲକ୍ କୁମଡାମୁଣ୍ଡା ମା ମାଉଳି ଫୁଟବଲ କ୍ଲବ ଆନୁକୂଲ୍ୟରେ ଆୟୋଜିତ ନକ ଆଉଟ ଫୁଟବଲ ପ୍ରତିଯୋଗିତା ର ୩ୟ ଦିବସର ପ୍ରଥମ ମ୍ୟାଚ ଖେଳ ଡଙ୍ଗରିଗୁଡା ଓ ଟେମରା ଦଳ ମଧ୍ୟରେ ଅନୁଷ୍ଠିତ ହୋଇଥିଲା ।

ଏଥିରେ ଦୁଇ ଦଳ ମଧ୍ୟରେ ଏକ ଚିତ୍ତାକର୍ଷକ ଖେଳଦେଖିବାକୁ ମିଳିଥିଲା । ଖେଳର ପ୍ରଥମାର୍ଦ୍ଧ ରେ ସାମନ୍ତର ରହିଥିବା ବେଳେ ଦିତ୍ୱୀୟାର୍ଦ୍ଧ୍ ରେ ଡଙ୍ଗରିଗୁଡା ଦଳ ୧-୦ ଗୋଲ ରେ ଟେମରାକୁ ପରାଜିତ କରିଥିଲା । ଖେଲ ଦେଖିବାକୁ ଅଞ୍ଚଳର ହଜାର ହଜାର ଫୁଟବଲ ପ୍ରେମୀ ଉପସ୍ଥିତ ରହି ଖେଳାଳି ମାନଙ୍କୁ ଉତ୍ସାହିତ କରୁଥିବା ଦେଖିବାକୁ ମିଳିଥିଲା ।

ମୁଖ୍ୟ ଅତିଥି ଭାବେ କାଉଡ଼ଲା ସରପଞ୍ଚ ଦେବି ସିଂ ତାଣ୍ଡି,ସମ୍ମାନୀତ ଅତିଥି ଭାବେ ବରିଷ୍ଠ ସାମ୍ବାଦିକ ଲଷ୍ମୀକାନ୍ତ ଧଙ୍ଗଡ଼ାମାଝୀ, ସୁଧୀର ଗୋପାଳ ଯୋଗ ଦେଇ ଖେଳାଳି ମାନଙ୍କୁ ଉତ୍ସାହିତ କରିଥିଲେ । ଖେଳ ପରିଚାଳକ ଭାବେ ସଂଜୀବ ଦୁର୍ଗା ଖେଲ ପରିଚାଳନା କରିଥିବା ବେଳେ ତାପସ କୁମାର ଦାସ ଓ ଭୁପିନ୍ଦ୍ର ଗୋପାଳ ଲାଇନ୍ ରେ ସହଯୋଗ କରିଥିଲେ ।

ଉକ୍ତ ଖେଳର ଧାରା ବିବରଣୀ ବରିଷ୍ଠ ସାମ୍ବାଦିକ ବସନ୍ତ ସରାବୁ ପ୍ରଦାନ କରିଥିଲେ । ଉକ୍ତ କାର୍ଯ୍ୟକ୍ରମ କୁ ଫୁଟବଲ କମିଟି ସଭାପତି ଅନୀଲ କୁମାର ନାଏକ, ସଂପାଦକ ଗୋଲାପ ନାଏକ, ଭାଗୀରଥି ଦିଶାରୀ, ପୂର୍ଣଚନ୍ଦ୍ର ମାଝୀ, ଟିକଚନ ଦିଶାରୀ, ଘନଶ୍ୟାମ ନାଗ ପ୍ରମୁଖ ସହଯୋଗ କରିଥିଲେ ।