ହତ୍ୟାକାଣ୍ଡକୁ ବିତିଲାଣି ୨୨ଦିନ ଅଭିଯୁକ୍ତକୁ ଧରିବାରେ ବିଫଳ ପୋଲିସ ହାତ ଖାଲି।

ମୋଟିଭି ଓଡିଶା : ପୁରୀ : ହତ୍ୟାକାଣ୍ଡକୁ ପୁରିଲାଣି ୨୨ଦିନ ହେଲେ ହତ୍ୟାକାଣ୍ଡରେ ଜଡ଼ିତ ଅଭିଯୁକ୍ତ ମାନଙ୍କୁ ଧରିବାରେ ପୋଲିସ ବିଫଳ,  ପୋଲିସ ହାତ ଖାଲି। ସୂଚନାରୁ ଜଣାପଡିଛି ପୁରୀଜିଲ୍କା ଗଡିଶାଗୋଦା ଥାନା ଦେଇପୁର ଗ୍ରାମରେ ଦିନ ଦ୍ୱିପ୍ରହର ସମୟରେ ଏକ ଅଭାବନୀୟ ଘଟଣା ଘଟିଥିଲା। ପୂର୍ବ ଶତୃତାକୁ କେନ୍ଦ୍ର କରି ଘଟିଛି ଅଘଟଣ। ମାରଣାସ୍ତ୍ର ସାହାଯ୍ୟରେ ସଂଘବଦ୍ଧ ଆକ୍ରମଣରେ ଜଣଙ୍କର ମୃତ୍ୟୁ। ଦେଇପୁର ଗ୍ରାମର ସମୀର ପଲାଇକୁ ଉକ୍ତ ଗ୍ରାମର ଦିଲ୍ଲୀପ ସାମନ୍ତରାୟ ସହିତ ତାଙ୍କ ପରିବାର ଲୋକେ ୮ଜଣ ମିଶି ଅତି ବିଭସ୍ଛ ଭାବରେ ମାରଣାସ୍ତ୍ରରେ ହାଣି ହତ୍ୟା କରିଛନ୍ତି। ପୂର୍ବ ଶତୃତାକୁ କେନ୍ଦ୍ର ହତ୍ୟାକାଣ୍ଡ ଘଟିଥିବା ଜଣାପଡିଛି। ସମୀର ପଲାଇ ଘରେ ଖାଇ ଶୋଇଥିଲା ବେଳେ ୮ଜଣ ଘର ଭିତରେ ପଶି ସଂଘବଦ୍ଧ ହୋଇ ମିଳିତ ଭାବରେ ହାଣି ହତ୍ୟା କରିଛନ୍ତି। ହତ୍ୟାକାଣ୍ଡ ଘଟାଇ ଅଭିଯୁକ୍ତ ମାନେ ଫେରାଇ ହୋଇଛନ୍ତି।

ହତ୍ୟାକାଣ୍ଡ ଘଟଣାରେ ମୃତକର ସ୍ତ୍ରୀ ଗଡିଶାଗୋଦା ଥାନାରେ ଗତ ୧୨.୫.୨୪ରିଖରେ ଅଭିଯୋଗ କରିଥିଲେ ମଧ୍ୟ ପୋଲିସ ଅଭିଯୁକ୍ତ ମାନଙ୍କ ଟେର ପାଇନାହିଁ। ଗଡିଶାଗୋଦା ଥାନା ପୋଲିସ ଥାନାରେ ଏକ ମାମଲା ରୁଜୁ କରି ୨୨ଦିନ ହେବ ଚୁପ ବସିଥିବାରୁ ପୋଲିସ ଭୂମିକା ଉପରେ ମୃତକର ପରିବାର ପକ୍ଷରୁ ସନ୍ଦେହ ଉପୁଜିଛି। ହତ୍ୟାକାଣ୍ଡରେ ବ୍ୟବହୃତ ମାରଣାସ୍ତ୍ର କୁ ପୋଲିସ ଜବତ କରିଛି। ଦେଇପୁର ଗ୍ରାମ ନିକଟରେ ଥିବା ପୋଖରୀରୁ ପୋଲିସ ତିନୋଟି ଖଣ୍ଡା ଗୋଟିଏ ଦେଶୀ ପିସ୍ତଲ ଜବତ କରିଥିବା ବେଳେ ଅଭିଯୁକ୍ତ ମାନଙ୍କ ଟେର ପାଇନାହିଁ। ଆଜି ଗଡିଶାଗୋଦା ଥାନା ସମ୍ମୁଖରେ ମୃତକର ପରିବାର ପକ୍ଷରୁ ଥାନା ସମ୍ମୁଖରେ ଧାରଣା ଓ ପ୍ରତିବାଦ କରାଯାଇଛି। ଖୁବଶୀଘ୍ର ଅଭିଯୁକ୍ତ ମାନଙ୍କୁ ପୋଲିସ ଗିରଫ ନକଲେ ମୃତକର ସ୍ତ୍ରୀ ଓ ତାର ଦୁଇ ଶିଶୁ କିରୋସିନ ଢାଳି ଆତ୍ମହତ୍ୟା କରିବେ ବୋଲି ଚେତାବନୀ ଦେଇଛନ୍ତି।