ଦୁଇ ବାଇକ ମଧ୍ୟରେ ମୁହାଁମୁହିଁ ଧକ୍କା ୩ ଗୁରୁତର, ୧ ଆହତ।

ମୋଟିଭି ଓଡିଶା : କଳାହାଣ୍ଡି : ୦୪/୦୫ : କୋକସରା ବ୍ଲକ କାଉଡୋଳା ଲଡୁଗାଁ ରାସ୍ତାର ସୁନାମାଲ ଗାଁ ମଝିରେ ଥିବା ଏକ ବୁଲାଣିରେ ଉଭୟ ପଟୁ ଆସୁଥିବା ଦୁଇ ବାଇକ ମଧ୍ୟରେ ମୁହାଁମୁହିଁ ଧକ୍କା ହେବାରୁ ଉଭୟ ବାଇକରେ ଥିବା ୫ ଜଣଙ୍କ ମଧ୍ୟରୁ ୩ ଜଣ ଯୁବକ ଗୁରୁତର ଓ ଜଣେ ଯୁବକ ସାମାନ୍ୟ ଆହତ ହୋଇଥିଲେ। ସ୍ଥାନୀୟ ଲୋକେ ୧୦୮ ଆମ୍ବୁଲାନ୍ସରେ ସେମାନଙ୍କୁ ଉଦ୍ଧାର କରି କୋକସରା ଡାକ୍ତରଖାନା ପଠାଇଥିଲେ।

ଗୁରୁତର ଯୁବକ ହେଲେ ଦିନେଶ ନାଏକ (୧୯)ପୂର୍ଣ୍ଣ ମାଝୀ(୧୯) ମହମ୍ମଦ ଦିଲଖୁସ (୧୯) ଓ ସୁରେନ୍ଦ୍ର ସାହୁ (୫୪) ବୋଳି ଜଣାପଡିଛି। ୩ ଜଣ ଯୁବକ ଲଡୁଗାଁରୁ ବାଇକରେ ଟେମରାକୁ ଯାଉଥିବା ବେଳେ ଡୁଡୁକାଠେଙ୍ଗା ପଞ୍ଚାୟତ ବନ୍ଧ ପଡା ଗାଁ ର ରାଜେଶ ମାଝୀ ଓ ସୁରେନ୍ଦ୍ର ସାହୁ ଲଡୁଗାଁ ଟ୍ରାକ୍ଟର ମରାମତି ପାଇଁ ଯାଉଥିବା ବେଳେ ସୁନାମାଲ ବୁଲାଣିରେ ଦୁର୍ଘଟଣା ଘଟିଥିଲା। ପ୍ରାଥମିକ ଚିକିତ୍ସା ପରେ ଦୁଇ ଜଣ ଙ୍କ ଅବସ୍ଥା ଜଟିଳ ଥିବାରୁ ଜିଲ୍ଲା ସଦର ଡାକ୍ତରଖାନା କୁ ସ୍ଥାନାନ୍ତରିତ କରାଯାଇଛି।