ମାଓ ହମଲାରେ ୯ ଯବାନ ସହିଦ

ମାଲକାନଗିରି ସୀମାନ୍ତ ଛତିଶଗଡ଼ ବିଜାପୁରରେ ବଡ଼ ମାଓ ହମଲା । ମାଓ ହମଲାରେ ୯ ଯବାନ ସହିଦ । ଭୟଙ୍କର ବିସ୍ଫୋରଣରେ ଉଡ଼ିଲା ଯବାନଙ୍କ ଭ୍ୟାନ । କୁଟରୁ-ବେଦ୍ରେ ସଡ଼କରେ ବିସ୍ଫୋରଣ ଘଟାଇଛନ୍ତି ନକ୍ସଲ । ଏଥିରେ ୮ ଜଣ ଯବାନ ଓ ଗାଡ଼ି ଡ୍ରାଇଭରଙ୍କର ପ୍ରାଣହାନି ଘଟିଛ । ୫ରୁ ଅଧିକ ଯବାନ ଗୁରୁତର ଆହତ ହୋଇଛନ୍ତି । ମାଓ ଅପରେସନ ସାରି ଡିଆରଜି ଯବାନମାନେ ଫେରୁଥିବା ବେଳେ ଏହି ଘଟଣା ଘଟିଛି । ବିସ୍ଫୋରଣର ତୀବ୍ରତା ଏତେ ଅଧିକ ଥିଲା ଯେ, ଯବାନଙ୍କ ଗାଡିଟି ପ୍ରାୟ ୨୦ ଫୁଟ ଉପରକୁ ଉଠିଯାଇଥିଲା । ଗାଡିର କିଛି ଅଂଶ ଗଛରେ ଲାଗିଥିବା ବେଳେ ତଳେ ପଡିଥିବା ଅଂଶ ଚୁରମାର୍ ହୋଇଯାଇଛି । ଏହା ପରେ ସରକାରଙ୍କ ପକ୍ଷରୁ ଘଟଣାସ୍ଥଳକୁ ଅଧିକ ସୁରକ୍ଷା କର୍ମୀଙ୍କୁ ପଠାଯିବା ସହ ଆହତମାନଙ୍କୁ ଚିକିତ୍ସା ପାଇଁ ଡାକ୍ତରଖାନାକୁ ନିଆଯାଇଛି ।

ମୋ ଟିଭି ଓଡିଶା, ମାଲକାନଗିରି