ଜନ୍ମଦିନ ରେ ରୋଗୀଙ୍କୁ ରକ୍ତଦାନ କରି ଯୁବପିଢିଙ୍କୁ ପ୍ରେରଣା ଦେଲେ ସମାଜସେବୀ ଢଗ ନାଏକ ।

ମୋଟିଭି ଓଡିଶା : କଳାହାଣ୍ଡି:୨୧/୦୫ : ଜନ୍ମ ଦିନରେ ଆଜିକାଲି ର ଯୁବପିଢି ବାର୍ଥ ଡେ କେକ କାଟି ଲାଇଟ ସାଉଣ୍ଡ, ନାଚଗୀତ ଆସର ଜମାଇ ଖୁବ ଆଡମ୍ବରର ସହ ଜନ୍ମଦିନ ଉତ୍ସବ ପାଳନ କରିଥାନ୍ତି। ହେଲେ ଜଣେ ଯୁବ ସମାଜସେବୀ ନିଜ ଜନ୍ମ ଦିନ ରେ ଜଣେ ଗୁରୁତର ରୋଗୀ ଙ୍କୁ ରକ୍ତଦାନ କରି ଜନ୍ମ ଦିନ ର ଖୁସି ବାଣ୍ଟିଛନ୍ତି ଢଗ ନାଏକ। ମର୍ମନ୍ତୁଦ ଦୁର୍ଘଟଣା ଗ୍ରସ୍ତ ରେ ଗୋଡ଼ ଭାଙ୍ଗି ଯାଇଥିବାରୁ ବାଲାଜୀ ନର୍ସିଂ ହୋମ୍ ଭବାନିପାଟଣା ରେ ଭର୍ତ୍ତି ହୋଇ ଚିକିତ୍ସିତ ହେଉଥିବା ଜଣେ ରୋଗୀଙ୍କ ଅସ୍ତ୍ରୋପଚାର ପାଇଁ ଅତ୍ୟନ୍ତ ଜରୁରୀ ସମୟରେ ବି ପଜିଟିଭ୍ ବର୍ଗର ରକ୍ତ ଆବଶ୍ୟକତା ଥିବାରୁ ଅନେକ ଲୋକ ମାନଙ୍କ ସହିତ ଯୋଗାଯୋଗ କରିଥିଲେ କିନ୍ତୁ ରକ୍ତ ଯୋଗାଡ଼ ହୋଇ ପାରି ନଥିଲା।‌ଶେଷରେ ସମାଜସେବୀ ଢଗ ନାଏକ ନିଜ ଜନ୍ମଦିନ ରେ ଧର୍ମଗଡ ଉପଖଣ୍ଡ ଡାକ୍ତରଖାନାରେ ରକ୍ତଦାନ କରି ଏକ ଜୀବନ କୁ ସେବା ପ୍ରଦାନ କରି ଆଜିର ସମାଜ ଯୁବପିଢ଼ିଙ୍କୁ ପ୍ରେରଣା ଓ ଉତ୍ସାହ ପ୍ରଦାନ କରିଛନ୍ତି l

ଶ୍ରୀ ନାଏକଙ୍କ ମହନିୟ କାର୍ଯ୍ୟ ପାଇଁ ତାଙ୍କୁ ଶୁଭେଚ୍ଛା ଓ ବିଭିନ୍ନ ମହଳରେ ପ୍ରଶଂସା କରାଯାଉଥିବା ବେଳେ ଏଭଳି ଏକ ସେବାରେ ସୁଯୋଗ ପାଇ ଶ୍ରୀ ନାଏକ ଆତ୍ମସନ୍ତୋଷ ଲାଭ କରିଥିବା ପ୍ରକାଶ କରିଛନ୍ତି। ରକ୍ତଦାନ ସମୟରେ ଜିଲ୍ଲାପରିଷଦ ସଦସ୍ୟ ଗୋପୀନାଥ ମହାନନ୍ଦ, ସମାଜସେବୀ ଶ୍ୟାମସୁନ୍ଦର ଅଗ୍ରୱାଲ, ରକ୍ତବୀର ଉମାକାନ୍ତ ସୁନାନୀ, ଅଙ୍କିତ ସେଠୀ, ଅଜୟ ସୁନାନୀ,କମଳା କାନ୍ତ ବିହାରୀ, ୟୁଗେସ ତାଣ୍ଡି,ରେଜେନ୍ଦ୍ର ଦୁରିଆ, ମିଥୁନ କୁମାର ଦୁର୍ଗା, ରୋହିତ ସୁନାନୀ, ରିଙ୍କୁ ମଙ୍ଗରାଜ ନରେଶ ସୁନାନୀ ଶୈଷ୍ଣବ ନିଆଲ ପ୍ରମୁଖ ଉପସ୍ଥିତ ଥିଲେ।