ଦମ୍ପତିଙ୍କ ଆତ୍ମହତ୍ୟା

ମୋଟିଭି ଓଡିଶା : ବାଲେଶ୍ୱର ଜିଲ୍ଲା ସିମୁଳିଆ ଥାନା ପୁରୁଷତ୍ତମପୁର ପଞ୍ଚାୟତ ପାର୍ବତୀପୁର ଗାଁରେ ଦମ୍ପତିଙ୍କ ଆତ୍ମହତ୍ୟା ଅଭିଯୋଗ l ଗାଁର ମନୋଜ କୁମାର ମହାକୁଡ଼ ଓ ତାଙ୍କର ପତ୍ନୀ ସସ୍ମିତା ମହାକୁଡ଼ ଗତ ଏକ ବର୍ଷ ପୂର୍ବରୁ ବୈଦିକ ରୀତିନୀତି ଅନୁସାରେ ବିବାହ କରିଥିଲେ l ମନୋଜ ଝାରସୁଗୁଡାରେ ଏକ କମ୍ପାନୀରେ ଲୋକୋ ପାଇଲଟ ଭାବେ କାର୍ଯ୍ୟ କରୁଥିଲେ l ତାଙ୍କର ପତ୍ନୀ ସସ୍ମିତା ବିବାହ ପାଖରୁ ତାଙ୍କ ସ୍ୱାମୀଙ୍କ ନିକଟରେ ରହୁଥିବା ବେଳେ ଗତ ୪ମାସ ହେବ ଶଶୁର ଘରେ ରହୁଥିଲେ l

ଗତକାଲି ମନୋଜ କାହାକୁ ନଜଣାଇ ଘରକୁ ପଳାଇ ଆସିଥିଲେ l ତାଙ୍କ ବଡ଼ ଭାଇ ବିଶ୍ୱଜିତ ମହାକୁଡ଼ଙ୍କ କହିବା ମୁତାବକ ଘରେ ତାଙ୍କର ପରିବାର ଲୋକେ ଓ ତାଙ୍କର ପତ୍ନୀ ଖାଇବାକୁ ଡାକିଥିବା ବେଳେ ଖାଇନଥିଲେ l ପରେ ଖାଇବେ କହି ଘରେ ଶୋଇଥିଲେ l ବନ୍ଧୁ ବାନ୍ଧବ ପହଞ୍ଚିବା ପରେ ଘର ଲୋକେ ଡାକିବାରୁ କେହି ଶୁଣିନଥିଲେ l ତେଣୁ ସେ ଶାବଳରେ କବାଟ ତାଡିବା ବେଳେ ବିଦ୍ୟୁତ ଆଘାତ ମଧ୍ୟ ଖାଇଥିଲେ l ତେଣୁ ଲାଇନ କାଟି କବାଟ ତାଡିବା ପରେ ଦମ୍ପତି ଦୁଇ ଜଣକର ମୃତ୍ୟୁ ହୋଇଯାଇଥିଲା l ତେବେ ସେମାନେ ବେକରେ ବିଦ୍ୟୁତ ତାର ଗୋଡ଼ାଇ ଆତ୍ମହତ୍ୟା କରିଥିବା ବଡ଼ ଭାଇ କହିଛନ୍ତି l ପାଖରେ ୩ଟି ମେଡ଼ିସିନ ଷ୍ଟ୍ରିପ ପଡିଥିବାରୁ ଅଧିକ ସନ୍ଦେହ ଆଡକୁ ଯାଉଛି l ତେବେ ସିମୁଳିଆ ପୋଲିସ ଘଟଣା ସ୍ଥଳରେ ପହଞ୍ଚି ଶବ ଜବତ କରି ତଦନ୍ତ କରୁଛି l