ବେକରେ ଦଉଡ଼ି ଦେଇ ଯୁବକ ର ଆତ୍ମହତ୍ୟା, ଥାନାରେ ଅଭିଯୋଗ।

ମୋଟିଭି ଓଡିଶା / କଳାହାଣ୍ଡି: ୧୩/୦୬ :

କଳାହାଣ୍ଡି ଜିଲ୍ଲା ଧର୍ମଗଡ ଥାନା ସେମଲା ଗ୍ରାମରେ ଗତ ବୁଧବାର ବିଳମ୍ବିତ ରାତିରେ ରେ ନିଜ ଘରେ କେହି ନ ଥିବା ବେଳେ ବେକ ରେ ଦଉଡ଼ି ଦେଇ ଜଣେ ଯୁବକ ଆତ୍ମହତ୍ୟା କରିଛନ୍ତି। ଏ ନେଇ ପରିବାର ଲୋକେ ଜାଣିବା ପରେ ଧର୍ମଗଡ ଥାନାରେ ଅଭିଯୋଗ କରିଛନ୍ତି। ମୃତକ ଜଣକ ହେଉଛନ୍ତି ସେମଲା ଗ୍ରାମର ମୁସୁନ୍ଦର ଗହୀର ବୟସ ୨୩। ମୁସୁନ୍ଦର ବେକରେ ରଶି ଲଗେଇଥିବା ବେଳେ ପରିବାର ଲୋକେ ଝୁଲନ୍ତା ଅବସ୍ଥାରେ ତାଙ୍କୁ ଉଦ୍ଧାର କରି ତଳକୁ ଓଲ୍ହେଇ ଦେଇଥିଲେ।

ସେତେବେଳକୁ ମୁସୁନ୍ଦର ର ମୃତ୍ୟୁ ହୋଇସାରିଥିଲା ବୋଲି ପରିବାର ଲୋକେ ପ୍ରକାଶ କରିଛନ୍ତି। ତେବେ ମୁସୁନ୍ଦର ପ୍ରେମ ସମ୍ପର୍କକୁ ନେଇ ଆତ୍ମହତ୍ୟା କରିଥିବା ସ୍ଥାନୀୟ ଲୋକେ ପ୍ରକାଶ କରନ୍ତି।ଏ ସମ୍ପର୍କରେ ପରିବାର ଲୋକେ ଗୁରୁବାର ସକାଳ ୯ ଟା ସମୟରେ ଧର୍ମଗଡ ଥାନାରେ ଏକ ଲିଖିତ ଅଭିଯୋଗ ଦେବା ପରେ ଧର୍ମଗଡ ପୋଲିସ ଥାନା କେଶ ନମ୍ବର ୧୧/୨୪ ମୁତାବକ ଏକ ମାମଲା ରୁଜୁ କରି ଶବ ଜବତ କରି ଧର୍ମଗଡ ଉପଖଣ୍ଡ ଡାକ୍ତରଖାନା ରେ ଶବ ବ୍ୟବଚ୍ଛେଦ କରି ପରିବାର ବର୍ଗ ଙ୍କୁ ଶବ ହସ୍ତାନ୍ତର କରିଥିବା ବେଳେ ପୋଲିସ ର ତଦନ୍ତ ଜାରି ରଖିଥିବା ସୂଚନା ଦେଇଛି।