କାଉଡୋଳା କ୍ରିକେଟ ଫାଇନାଲ, ମୁଖ୍ୟ ଅତିଥି ଭାବେ ଯୋଗ ଦେଲେ ଧର୍ମଗଡ ବିଧାୟକ।

ମୋ ଟିଭି ଓଡିଶା / କଳାହାଣ୍ଡି:୨୬/୦୬(ସନତ ପ୍ରଧାନୀ)

କଳାହାଣ୍ଡି ଜିଲ୍ଲା କୋକସରା ବ୍ଲକ କାଉଡୋଳା ଗ୍ରାମ ଠାରେ ୟଙ୍ଗ ଆସୋସିଏସନ ପକ୍ଷରୁ ଆୟୋଜିତ କ୍ରିକେଟ ଟୁର୍ଣ୍ଣାମେଣ୍ଟ ର ଫାଇନାଲ ଖେଳ ମଙ୍ଗଳବାର ଦିନ ଅନୁଷ୍ଠିତ ହୋଇଯାଇଛି।

ଉଦଯାପନି ଖେଳ ଡେଙ୍ଗାଗୁଡା ଓ ବଡ଼ ପୋଡ଼ାଗୁଡା ଦଳ ମଧ୍ୟରେ ଅନୁଷ୍ଠିତ ହୋଇଥିବା ବେଳେ ମୁଖ୍ୟ ଅତିଥି ଭାବେ ଧର୍ମଗଡ ବିଧାୟକ ସୁଧୀର ରଞ୍ଜନ ପାଟ୍ଟଯୋଶୀ, ସମ୍ମାନିତ ଅତିଥି ଭାବେ ବିଜେପି ଆମପାଣି ମଣ୍ଡଳ ସଭାପତି ଅର୍ଜୁନ ଭାଟି, ସମ୍ପାଦକ ମଧୁବନ ପାତ୍ର,କାଉଡୋଳା ଗୌନ୍ତିଆ କମଳାକାନ୍ତ ପଣ୍ଡା, ବିଜେପି ନେତା ଅରକ୍ଷିତ ସରାବୁ, ଚକ୍ରଧର ବେଶ୍ରା ପ୍ରମୁଖ ଉପସ୍ଥିତ ରହି ଉଭୟ ଦଳ ଖେଳାଳୀଙ୍କ ସହ ପରିଚୟ ପର୍ଵ ରେ ସାମିଲ ହୋଇ ଉତ୍ସାହିତ କରିଥିଲେ। ଡେଙ୍ଗାଗୁଡା ଓ ବଡ଼ ପୋଡ଼ାଗୁଡା ଦଳ ମଧ୍ୟରେ ଚିତାକର୍ଷକ ଖେଳ ଦେଖିବାକୁ ମିଳିଥିବା ବେଳେ ଡେଙ୍ଗାଗୁଡା ଦଳକୁ ୪ ୱକେଟ ରେ ହରାଇ ଫାଇନାଲ ବଡ଼ ପୋଡ଼ାଗୁଡା ଦଳ ମ୍ୟାଚ ଚାମ୍ପିୟାନ ହୋଇଛନ୍ତି।

ବିଜେତା ଓ ଉପ ବିଜେତା ଦଳ କୁ ବିଧାୟକ ଶ୍ରୀ ପାଟ୍ଟଯୋଶୀ ଓ ଅତିଥିମାନେ ଟ୍ରଫି ସହ ପୁରସ୍କାର ରାଶି ପ୍ରଦାନ କରିଥିଲେ। ଅମ୍ପିୟାର ଭାବେ ଲକ୍ଷ୍ମୀକାନ୍ତ ମାଝୀ,ତୋଫାନ ସତନାମୀ ଖେଳ ପରିଚାଳନା କରିଥିଲେ। ଖେଳ ଧାରା ବିବରଣୀ ମାନସ ସରାବୁ ଓ ସହଯୋଗୀ ତୁଷାର ନାଏକ ପ୍ରଦାନ କରିଥିଲେ। ଆୟୋଜକ ୟଙ୍ଗ ଆସୋସିଏସନ କାଉଡୋଳା ପକ୍ଷରୁ ସୌରଭ ସରାବୁ, ସୁଶାନ୍ତ କୋଚିଆ, ମନୋରଞ୍ଜନ ସରାବୁ, ମଣ୍ଟୁ କୋଚୀଆ, ବିଶାଳ ସରାବୁ, ଦେବାଶିଷ ସରାବୁ, ଶୁଭମ୍ ସରାବୁ କେଶବ, ନିଖିଲ, ହରିହର ସରାବୁ ଚିତ୍ତରଞ୍ଜନ ସରାବୁ ପ୍ରମୁଖ ସହଯୋଗ କରିଥିଲେ।