ଋଣ ଟଙ୍କା ନେଇ ମହିଳା ଫେରାର

ମୋ ଟିଭି ଓଡିଶା / ଆଗରପଡ଼ା :୧୪/୦୮:

ଜନୈକା ମହିଳା ବିଭିନ୍ନ ମହିଳାଙ୍କ ନାମରେ ଗ୍ରୁପରୁ ଋଣ ଉଠାଇ ପରିଶୋଧ କରିବା ପରିବର୍ତ୍ତେ ତାକୁ ନେଇ ଫେରାର ହୋଇଯାଇଥିବା ବନ୍ତ ଥାନାରେ ଅଭିଯୋଗ ହୋଉଥିବା ଜଣାପଡ଼ିଛି । ବନ୍ତ ଥାନା ଅନ୍ତର୍ଗତ ଚାଇଁପୁର ଗ୍ରାମର କିଛି ମହିଳାଙ୍କୁ ଉକ୍ତ ଗ୍ରାମର ଅନ୍ୟ ଜଣେ ମହିଳା ତାଙ୍କର ଅର୍ଥର ଆବଶ୍ୟକତାଥିବା କହି ସେମାନଙ୍କ ନାମରେ ଗ୍ରୁପରୁ ଲୋନ ଉଠାଇଥିଲେ । କିନ୍ତୁ ପରବର୍ତ୍ତୀ ସମୟରେ ଉକ୍ତ ଲୋନର କିସ୍ତି ଦେବା ବନ୍ଦ କରିଦେବାରୁ ଯେଉଁ ମହିଳା ମାନଙ୍କ ନାମରେ ଅଭିଯୁକ୍ତ ମହିଳା ଲୋନ ଉଠାଇଥିଲେ ସେମାନେ ଏକତ୍ରିତ ହୋଇ ଖବର ନେବାରୁ ଜାଣିବାକୁ ପାଇଥିଲେ ଯେ ଅଭିଯୁକ୍ତକାରି ମହିଳାଜଣଙ୍କ ଗାଁ ଛାଡ଼ି ବାହାରକୁ ପଳାଉଛନ୍ତି । ଏବଂ ବ୍ୟବହାର କରୁଥିବା ମୋବାଇଲ୍‌କୁ ମଧ୍ୟ ବନ୍ଦ କରିଦେଇଛନ୍ତି । ଏଥିନେଇ ତାଙ୍କ ପରିବାରସହ ଯୋଗାଯୋଗ କରିବାରୁ ସେମାନେ ଏହି ବିଷୟରେ କିଛି ଜାଣିନଥିବା କହିବା ସହ ସେମାନଙ୍କ ସହ ଖରାପ ବ୍ୟବହାର ପ୍ରଦର୍ଶନ କରୁଛନ୍ତି । ତେଣୁ କିସ୍ତି ଦେବାରେ ମହିଳାମାନେ ସର୍ବ ସମ୍ମୁଖରେ ଅପମାନିତ ହେଉଥିବାରୁ ସେମାନେ ସେମାନଙ୍କ ଋଣ ଟଙ୍କା କିପରି ଫେରସ୍ତ ପାଇପାରିବେ ସେଥିନେଇ ବନ୍ତ ଥାନାରେ ଲିଖିତ ଅଭିଯୋଗ କରିଥିବା ଜଣାପଡ଼ିଛି ।