ଓରମାସ ତରଫରୁ ରାଖୀ ବିକ୍ରି ଷ୍ଟଲ

ମୋ ଟିଭି ଓଡିଶା / ରାଉରକେଲା : ୧୬/୮ 

ଓରମାସ ଏବଂ ଜିଲ୍ଲା ପ୍ରଶାସନର  ପକ୍ଷରୁ ସୁ୍ନ୍ଦରଗଡ ଓ ରାଉରକେଲା ଠାରେ ସୁନ୍ଦର ହସ୍ତତନ୍ତ ତିଆରି ରାଖୀ ବିକ୍ରି ପାଇଁ ଷ୍ଟଲ ଖୋଲା ଯାଇଛି l ଜିଲ୍ଲା ପରିଷଦ ଅଧ୍ୟକ୍ଷା କୁନ୍ତୀ ପ୍ରଧାନ ମୁଖ୍ୟ ଅତିଥି ଭାବରେ ଯୋଗ ଦେଇ  ଷ୍ଟଲ ଉଦଘାଟନ କରିଥିଲେ l

ସେ ଏହି ଅବସର ରେ କହିଥିଲେ ଯେ  ସୁନ୍ଦରଗଡ ଜିଲ୍ଲାର କାରିଗରମାନଙ୍କୁ ପ୍ରୋତ୍ସାହିତ କରିବା ପାଇଁ ଓ କାରିଗରୀ ପ୍ରଦର୍ଶନ କରବାର ଓରମାସ ଏହି ସୁଯୋଗ ପ୍ରଦାନ କରୁଛି l ବାଉଁଶ ଏବଂ ଟେରାକୋଟା ଉତ୍ପାଦଗୁଡ଼ିକ ବିକ୍ରୟ ପାଇଁ ଏହା ଭଲ ପ୍ଲାଟଫର୍ମ ଏହା କେବଳ ପାରମ୍ପାରିକ ହସ୍ତଶିଳ୍ପ ସଂରକ୍ଷଣ କରିବାରେ ସାହାଯ୍ୟ କରିବ ନାହିଁ ବରଂ କାରିଗର ଏବଂ ସେମାନଙ୍କ ସମ୍ପ୍ରଦାୟ ପାଇଁ ନିରନ୍ତର ଜୀବିକା ସୁଯୋଗ ମଧ୍ୟ ଯୋଗାଇବ l

ରାଉରକେଲାର ଝିରପାଣୀ ଏବଂ ସୁନ୍ଦରଗଡରେ ଏହି ଷ୍ଟଲ ଖୋଲା କରା ଯାଇଛି ା  ଏହି ଅବସରରେ ମୁଖ୍ୟ ଉନ୍ନୟନ ଅଧିକାରୀ ତଥା ନିର୍ବାହୀ ଅଧିକାରୀ, ଜିଲ୍ଲା ପରିଷଦ ଶ୍ରୀ ଦୁଃଖ ବନ୍ଧୁ ନାୟକ ବିଭାଗୀୟ ଅଧିକାରୀ  ଓ  କାରିଗରମାନେ ଉପସ୍ଥିତ ଥିଲେ ା