ଥାନାରୁ ନିଖୋଜ ହେଲେ ନାବାଳକ

ନିଖୋଜ ନାବାଳକ କୁ ଉଦ୍ଧାର କରି ଥାନାରେ ଜିମା ଦିଆଯାଇଥିବା ବେଳେ ପୁଣି ଥାନାରୁ ନିଖୋଜ ହେଲେ ନାବାଳକ। ପୁଅ ନମିଳିଲେ ଥାନାରେ ଆତ୍ମହୁତି ଦେବେ ମା।

ସୋର : ୧୨/୦୯/୨୪

ସୋର ବ୍ଲକ ନଟାପଡ଼ା ପଞ୍ଚାୟତ ରାଧାବଲ୍ଲଭପୁର ଗ୍ରାମର ଜଣେ ୧୩ ବର୍ଷର ଛାତ୍ର ଆଜି ସକାଳ ୯.୩୦ମିନଟ ସମୟରେ ଗାଁରୁ କେଉଁଆଡ଼େ ନିଖୋଜ ହୋଇଯାଇଥିଲେ। ଏହି ଗ୍ରାମର ମାନସ ବେହେରା ଏବଂ ସବିତା ବେହେରାଙ୍କ ପୁତ୍ର ମହେଶ ବେହେରା(୧୩)ନିକଟସ୍ଥ ରଙ୍ଗପତି ସ୍କୁଲର ପଢ଼ନ୍ତି। ଆଜି ରାଧାଷ୍ଟମୀ କାରଣରୁ ସ୍କୁଲ ଯାଇ ନଥିବା ବେଳେ ଗାଁର ଏକ ଦୋକାନ ପାଖରେ ଥିବା ସ୍ଥାନୀୟ ଲୋକେ ଦେଖିଥିଲେ। ମତ୍ରେ କିଛି ସମୟ ପରେ ତାଙ୍କ ପରିବାର ଲୋକେ ପାଇ ନଥିଲେ।

ଏହାପରେ ଘର ଲୋକେ ବିଭିନ୍ନ ସ୍ଥାନରେ ଖୋଜାଖୋଜି କରି ପାଇ ନଥିବା ସନ୍ଧ୍ୟାରେ ଥାନାରେ ଅଭିଯୋଗ କରିଥିଲେ। ପରେ ରାତିରେ ବେଲଦା ଅଂଚଳର ଜଣେ ଲୋକ ତାଙ୍କୁ ପାଇ ସୋର ଥନାରେ ଜିମା ଦେଇ ଲିଖିତ ଭାବେ ଯାଇଥିଲେ। ମାତ୍ର ପରିବାର ଲୋକେ ଥାନାରେ ପହଂଚି ପିଲାକୁ ପାଇନଥିଲେ। ଜିମା ଦିଆଯାଇଥିବା ଥାନା କର୍ମଚାରୀଙ୍କ ଅବହେଳାରୁ ପିଲାଟି ପୁନଶ୍ଚ କେଉଁଠି କୁ ଚାଲିଯାଇଛନ୍ତି। ତେବେ ଉକ୍ତ ପିଲା ର ମା ଥନାରେ ପହଂଚି ପିଲା ନମିଳିଲେ ଆତ୍ମାହୁତି ଦେବେ ବୋଲି ଚେତାବନୀ ଦେବା ସହିତ ଥନାରେ କାନ୍ଦି କାନ୍ଦି ଗଡୁଥିବା ଦେଖିବାକୁ ମିଳିଛି।