ସମାଜସେବୀ ନାରାୟଣ ପଣ୍ଡାଙ୍କ ପରଲୋକ

ମୋ ଟିଭି ଓଡିଶା / ଆଗରପଡ଼ା,ତା୨୬/୯:

ସ୍ଥାନୀୟ ସିଟି ସ୍କୁଲ୍ ପ୍ରାକ୍ତନ ମୁଖ୍ୟ ସହାୟକ ତଥା ନରିପୁର ଅଞ୍ଚଚଳବାସୀ ନାରାୟଣ ଚନ୍ଦ୍ର ପଣ୍ଡାଙ୍କର ୮୨ ବର୍ଷ ବୟସରେ ପରଲୋକ ଘଟିଛି ।

ବାର୍ଦ୍ଧକ୍ୟ ଜନିତ ରୋଗରେ ଆକ୍ରାନ୍ତ ହୋଇ ଘରେ ସେ ଚିକିତ୍ସିତ ହେଉଥିଲେ । ସେ ଜଣେ ସରଳ, ମେଳାପୀ, ନିଷ୍କପଟ, ପରୋପକାରୀ, ଧର୍ମ ପରାୟଣ ବ୍ୟକ୍ତି ଥିଲେ । ବରପଦା ଠାରେ ୩ଗୋଟି ମନ୍ଦିର ପ୍ରତିଷ୍ଠା କରି ସେ ଜଣେ ଧର୍ମବତ୍ସଳ ବ୍ୟକ୍ତିର ପରିଚୟ ଦେଇଥିଲେ ।

ସିଟି ସ୍କୁଲରେ ଦକ୍ଷତାର ସହ କାର୍ଯ୍ୟକରୀ ଆଗରପଡ଼ାରେ ସେ ଏକ ସ୍ୱତନ୍ତ୍ର ପରିଚୟ ସୃଷ୍ଟି କରିଥିଲେ । ତାଙ୍କ ପରଲୋକ ଖବର ପାଇ ଭଣ୍ଡାରିପୋଖରୀ ବିଧାୟକ ସଂଜୀବ ମଲ୍ଲିକ,ଭଦ୍ରକ ବିଧାୟକ ସୀତାଂଶୁ ଶେଖର ମହାପାତ୍ର, ପ୍ରାକ୍ତନ ମଂତ୍ରୀ ପ୍ରଫୁଲ୍ଲ ସାମଲ,ଜିଲ୍ଲା ପରିଷଦ ସଭାପତି ତଥା ପ୍ରାକ୍ତନ ବିଧାୟକ ପ୍ରଫୁଲ୍ଲ ଜେନା ପ୍ରମୁଖ ବହୁ ବିଶିଷ୍ଟ ବ୍ୟକ୍ତି ତାଙ୍କ ବାସଭବନକୁ ଯାଇ ଶେଷ ଦର୍ଶନ କରିବା ସହ ଅମର ଆତ୍ମାର ସଦଗତି କାମନା କରିଥିଲେ । ତାଙ୍କ ମର ଶରୀରକୁ ଶୋଭାଯାତ୍ରାରେ ନିଆଯାଇ ଶେଷକୃତ୍ୟ ସଂପନ୍ନ କରାଯାଇଥିଲା । ତାଙ୍କ ପରଲୋକରେ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି ।