ପ୍ରଚାର ପାଇଁ ସମୟ ଅଣ୍ଟୁନି, ରାତିରେ ବି ଜମୁଛି ଧର୍ମଗଡ ବିଜେଡି ପ୍ରାର୍ଥୀଙ୍କ ନିର୍ବାଚନ ପ୍ରଚାର।

କଳାହାଣ୍ଡି:୨୬/୦୪ : ପ୍ରଚାରରେ କି ଦିନ କି ରାତି ପ୍ରାର୍ଥୀଙ୍କ ପାଇଁ ଏବେ ଭୋଟରଙ୍କ ମନ ଜିଣିବା ଜରୁରୀ ହୋଇ ପଡିଛି। ନିଜ ସରକାରଙ୍କ ଗୁଣଗାନ ଓ ବିକାଶ ର ନାରା ଦେଇ ଭୋଟରଙ୍କ ଦୁଆରେ ଦଲୀୟ ପ୍ରାର୍ଥୀ। ଧର୍ମଗଡ଼ ନିର୍ବାଚନ ମଣ୍ଡଳୀ ଅନ୍ତର୍ଗତ କୋକସରା ବ୍ଲକର ଗୋତମୁଣ୍ଡା, ବଡ଼ ପୋଡ଼ାଗୁଡା, ସାନ ପୋଡ଼ାଗୁଡା ପଞ୍ଚାୟତ ର ଗାଁ ଗାଁ ବୁଲି ପ୍ରଚାର କରିଛନ୍ତି ବିଜେଡି ବିଧାୟକ ପ୍ରାର୍ଥୀ ପୁଷ୍ପେନ୍ଦ୍ର ସିଂଦେଓ ଓ ତାଙ୍କ ସମର୍ଥକ।

ବର୍ତ୍ତମାନ ଖରା ର ପାରଦ ୪୩ ଡିଗ୍ରୀ କୁ ଟପି ଥିବା ବେଳେ ଟାଣ ଖରାରେ ଝାଳନାଳ ହୋଇ ପ୍ରଚାର ଚାଲିଛି, ସମୟ ମଧ୍ୟ ଅଣ୍ଠୁନାହିଁ, ତେଣୁ ସନ୍ଧ୍ୟା ରୁ ରାତି ୯ ଟା ପର୍ଯ୍ୟନ୍ତ ଲାଇଟ ଲଗେଇ ଚାଲିଛି ବିଜେଡି ବିଧାୟକଙ୍କ ପ୍ରଚାର। ନାମାଙ୍କନ ପତ୍ର ଦାଖଲ ପରେ ହାତରେ ସମୟ କମ, କାରଣ ଧର୍ମଗଡ ର ୨୪ ପଞ୍ଚାୟତ, କୋକସରା ର ୨୨ ପଞ୍ଚାୟତ, କଲମପୁରର ୧୧ ପଞ୍ଚାୟତ ଓ ଜୟପାଟଣାର ୪ ପଞ୍ଚାୟତ ମୋଟ ୬୧ ପଞ୍ଚାୟତକୁ ବୁଲିବା ସହ ପ୍ରଚାର କରିବା ପାଇଁ ସମୟ କାହିଁ, ଏଣୁ ଦିନରାତି ଏକ କରି ପ୍ରଚାର ମୈଦାନ ରେ ବିଧାୟକ ପ୍ରାର୍ଥୀ ପୁଷ୍ପେନ୍ଦ୍ର ସିଂଦେଓ ଓ ସମର୍ଥକ ଲାଗି ପଡ଼ିଛନ୍ତି। ବିଧାୟକ ପ୍ରାର୍ଥୀ ପୁଷ୍ପେନ୍ଦ୍ର ଙ୍କ ସହ ବ୍ଲକ ସଭାପତି ସୁଶାନ୍ତ କୁମାର ବେହେରା, ନିର୍ବାଚନ ମଣ୍ଡଳୀ ସଭାପତି ମାନସ ବାଗ,ଜିଲ୍ଲା ପରିଷଦ ସଭ୍ୟ ହେମନ୍ତ ମାଝୀ, ବ୍ଲକ ଉପାଧ୍ୟକ୍ଷ ରାଜୀବ ଅଗ୍ରୱାଲ ପ୍ରମୁଖ ପ୍ରଚାର ର ମଙ୍ଗ ଧରିଛନ୍ତି।