ସୋର :
ସୋରରେ ଆସନ୍ତା ନଭେମ୍ବର ମାସ ୨୪ତାରିଖ ରବିବାର ଦିନ ସକାଳ ୬:୩୦ରେ ଏକ ଗଣଦୌଡ଼ କାର୍ଯ୍ୟକ୍ରମ ଅନୁଷ୍ଠିତ ହେବାକୁ ଯାଉଛି। ଏହି ଗଣଦୌଡ଼ ସୋର ଟାଉନ ହଲ ଠାରୁ ଶିରାପୁର ଖେଳ ପଡିଆ (ଭାୟା- ଛତ୍ରପୁର,ଅଡଙ୍ଗବଜ଼ାର) ଏବଂ ପୁନଶ୍ଚ ଶିରାପୁର ଖେଳପଡ଼ିଆରୁ ଟାଉନହଲ ପର୍ଯ୍ୟନ୍ତ ହେବ।
ଏହି ପରିପ୍ରେକ୍ଷୀରେ ସୋର ଶିକ୍ଷକ ଭବନ ପରିସରରେ ସୋର ମାରାଥନ ଆୟୋଜକଙ୍କ ପକ୍ଷରୁ ଏକ ସାମ୍ବାଦିକ ସମ୍ମିଳନୀ କମିଟିର ସଭାପତି ଆଇନଜୀବୀ ସଞ୍ଜୟ କୁମାର ଦାସଙ୍କ ସଭାପତିତ୍ୱରେ ଅନୁଷ୍ଠିତ ହୋଇଥିଲା। ଏହି ସମ୍ମିଳନୀରେ କମିଟିର ସଭାପତି ଆୟୋଜନ କରାଯାଉଥିବା ଗଣଦୌଡ଼ର ବିଭିନ୍ନ କାର୍ଯ୍ୟକ୍ରମ ଉପରେ ଆଲୋଚନା କରାଯାଇଥିଲା। ସୋରରେ ତୃତୀୟ ଥର ପାଇଁ ଆୟୋଜନ କରାଯାଉଥିବା ଗଣଦୌଡ଼ର ଉଦ୍ଦେଶ୍ୟ ଏକତାବଦ୍ଧ, ସ୍ୱାସ୍ଥ୍ୟ ସଚେତନତା ଏବଂ ସାମାଜିକ ଆବଶ୍ୟକତାକୁ କର୍ମକର୍ତ୍ତାମାନେ ବୁଝାଇ କହିଥିଲେ।
ଚଳିତ ବର୍ଷ ନାରୀ ସୁରକ୍ଷା ଓ ନାରୀ ସମ୍ମାନର ଲକ୍ଷ ନେଇ ଗଣଦୌଡ଼ ଆୟୋଜିତ କରାଯାଇଥିବା ଉପସଭାପତି ଅବଦୁଲ ଉଦୁଦୁ ଖାନ କହିଥିଲେ। ଏଥିରେ ୫ କିମି ଓ ୧୦ କିମି ଦୌଡର ବ୍ୟବସ୍ଥା କରାଯାଇଛି। ଗଣଦୌଡ଼ ରେ ଭାଗ ନେବା ପାଇଁ ରେଜିଷ୍ଟ୍ରେସନ ତାରିଖକୁ ନଭେମ୍ବର ୧୧ ତାରିଖ ପର୍ଯ୍ୟନ୍ତ ବର୍ଦ୍ଧିତ କରାଯାଇଛି।
କମିଟିର ସମ୍ପାଦକ ସୌମ୍ୟଶାନ୍ତ ପଟ୍ଟନାୟକ,କୋଷଧକ୍ଷ କୃଷ୍ଣଚନ୍ଦ୍ର ସାହୁ,ଉପଦେଷ୍ଟା ନିହାର ରଂଜନ ରାଉତ,ଦେବେନ୍ଦ୍ର କୁମାର ପ୍ରଧାନ,ସନ୍ତୋଷ ମହାନ୍ତି ଓ କାର୍ଯ୍ୟକାରୀ ସଦସ୍ୟ ରମେଶ ପ୍ରଧାନ ପ୍ରମୁଖ ଉପସ୍ଥିତ ଥିଲେ। ଶେଷରେ ସହ ସଂପାଦକ ଭଗବାନ ଲେଙ୍କା ଧନ୍ୟବାଦ ଅର୍ପଣ କରିଥିଲେ।
More Stories
ରାଷ୍ଟ୍ରୀୟ ଏକତା ଦିବସ ଉପଲକ୍ଷେ ଶପଥ ପାଠ ଅନୁଷ୍ଠିତ
ଲୋକସେବା ଭବନରେ ରାଷ୍ଟ୍ରୀୟ ଏକତା ଦିବସ
ଜିଲ୍ଲା ବଞ୍ଜରା ସମାଜ ପକ୍ଷରୁ ଓଏଏସ ପାଇଥିବା ପ୍ରତିଭା ଙ୍କୁ ସ୍ୱାଗତ ଓ ସମ୍ବର୍ଦ୍ଧନା।