କେନ୍ଦୁଝରରୁ ଗଡ଼ିବ ଓଡ଼ିଶାର ବିକାଶ ରଥ’

କେନ୍ଦୁଝର ( ମୋ ଟିଭି ଓଡିଶା ) :

“କେନ୍ଦୁଝରର ବିକାଶର ରାସ୍ତା ଖୋଲିବ । କେନ୍ଦୁଝର ଜିଲ୍ଲାରୁ ହିଁ ଆରମ୍ଭ ହେବ ଓଡ଼ିଶା ବିକାଶର ରଥ । ମା’ କାଳୀଙ୍କ କୃପାରୁ କେନ୍ଦୁଝରର ପ୍ରଗତି ହେବ” ବୋଲି କେନ୍ଦୁଝର ଗସ୍ତର ଶେଷ ଦିନରେ ଆଜି ଏଭଳି କହିଛନ୍ତି ମୁଖ୍ୟମନ୍ତ୍ରୀ । ସୁନାର ଜିଲ୍ଲା ପାଲଟିବ ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କ ଜନ୍ମମାଟି କେନ୍ଦୁଝର ଜିଲ୍ଲା ।

ମୁଖ୍ୟମନ୍ତ୍ରୀ ମୋହନ ଚରଣ ମାଝୀ କହିଛନ୍ତି, “କେନ୍ଦୁଝରର ସବୁଠାରୁ ବଡ଼ପର୍ବ କାଳୀପୂଜା । କେନ୍ଦୁଝରର ସର୍ବ ପୂରାତନ କାଳି ପଡ଼ିଆରେ ମା’ଙ୍କ ଦର୍ଶନ କଲି । ମା’ଙ୍କ ପାଖରେ କେନ୍ଦୁଝରବାସୀଙ୍କ ସୁଖ, ଶାନ୍ତି ସମୃଦ୍ଧି କାମନା କଲି । କେନ୍ଦୁଝରର କେମିତି ଉନ୍ନତି ହେବ ମା’ଙ୍କ ପାଖରେ ପ୍ରାର୍ଥନା କରିଛି । ମା’ ମୋତେ ଆଶୀର୍ବାଦ କରିଛନ୍ତି, ଓଡ଼ିଶାର ଦାୟିତ୍ବ ଦେଇଛନ୍ତି । ତେଣୁ ଓଡ଼ିଶାର ବିକାଶ ଓ ପ୍ରଗତି କେନ୍ଦୁଝରରୁ ଆରମ୍ଭ ହେବ । କେନ୍ଦୁଝର ପାଇଁ ବିକାଶର ରାସ୍ତା ଖୋଲି ଯାଇଛି । ବିଧାନସଭାରେ କେନ୍ଦୁଝର ପାଇଁ ଲଢେଇ କରୁଥିଲି ଓ ମା’ଙ୍କ ନିକଟରେ ପ୍ରାର୍ଥନା କରୁଥିଲି । ଆଜି ମା’ ମୋତେ ଓଡ଼ିଶାର ଓ କେନ୍ଦୁଝର ଦାୟିତ୍ବ ଦେଇଛନ୍ତି । ମା’ଙ୍କ ଆଶୀର୍ବାଦରୁ ବିକାଶ ହେବ । କେନ୍ଦୁଝରକୁ ସୁନାର କେନ୍ଦୁଝର କରିବା ପାଇଁ ମୋର ଯେଉଁ ଇଚ୍ଛା ଥିଲା ମା’ କାଳୀ ଓ ପ୍ରଭୁ ଜଗନ୍ନାଥଙ୍କ କୃପାରୁ ତାହା ପୂରଣ ହେବ ।”