ସରକାରୀ ମହାବିଦ୍ୟାଳୟ ରୋଡ ରେ ଥିବା ଜଣକ ଘରର OLA ବ୍ୟାଟେରୀ ଚାଳିତ ସ୍କୁଟି ଜଳିବା ସହ ଅନ୍ୟ ଚାରୋଟି ବାଇକ ଓ ଗୋଟିଏ ସାଇକେଲ ଜଳି ପାଉଁଶ ହୋଇଯାଇଛି ।
ସୋମବାର ସକାଳ 7 ଟା ବେଳକୁ ଏହି ଘଟଣା ନେଇ ସାରା ସହରରେ ବ୍ୟାଟେରୀ ଗାଡ଼ି ଚଳାଉଥିବା ଲୋକଙ୍କ ମଧ୍ୟରେ ଛନକା ପଶିଛି । ଗତ କାଲି ବିଳମ୍ବିତ ରାତିରେ ସରକାରୀ ମହାବିଦ୍ୟାଳୟ ରୋଡ ରେ ଥିବା ମିତ୍ରଭାନୁ ପଟେଲଙ୍କ ଘରେ ଘଟିଛି ଏହି ଦୁଃଖଦ ଘଟଣା। ତାଙ୍କର ଏକ OLA ବ୍ୟାଟେରୀ ଚାଳିତ ସ୍କୁଟି ଜଳିବା ସହ ଅନ୍ୟ ଚାରୋଟି ବାଇକ ଓ ଗୋଟିଏ ସାଇକେଲ ସମ୍ପୂର୍ଣ୍ଣ ଜଳି ପାଉଁଶ ହୋଇ ଯାଇଛି। ଏପରିକି ଘରର ଛାତ ରୁ କୋଲା ଛାଡ଼ି ଯାଉଛି। ତେବେ ଏହି ଘଟଣାରେ ତାଙ୍କ ପରିବାର ଲୋକଙ୍କ ଜୀବନ ଅଳ୍ପକେ ବର୍ତ୍ତି ଯାଇଛି ।
ତେବେ ଗତ କାଲି ରାତି 9:30 ମିନିଟ୍ ରୁ 11 ଟା ଭିତରେ ଏହି ଘଟଣା ଘଟି ଚାଲିଥିଲା ବୋଲି ଘର ମାଲିକ କହିଛନ୍ତି । ଭିତରୁ ତାଲା ଦିଆ ଯାଇଥିବାରୁ ଏବଂ ସାରା ଘର ଧୁଆଁ ହୋଇଯାଇଥିବାରୁ କେହି ଘରୁ ବାହାରି ପାରି ନ ଥିଲେ କିମ୍ୱା ବାହାରୁ ମଧ୍ୟ କେହି ତାଙ୍କୁ ସାହାଯ୍ୟ କରି ପାରି ନ ଥିଲେ। ତେବେ ଅଗ୍ନିଶମ ବିଭାଗ ଅଧିକାରୀ ଭ୍ରମରବର ସେଠ ଓ ତାଙ୍କ ଟିମ ପହଞ୍ଚି ନିଆଁ କୁ ଆୟତ୍ତ କରିଥିଲେ।
ସୁନ୍ଦରଗଡ଼ ରୁ ଦେବେନ୍ଦ୍ର କୁମାର ଭିତ୍ରିଆ ଙ୍କ ରିପୋର୍ଟ
More Stories
ପ୍ରବାସୀ ଭାରତୀୟ ସମ୍ମିଳନୀ ପାଇଁ ଭୁବନେଶ୍ୱରରେ ପ୍ରଧାନମନ୍ତ୍ରୀ।
ଭେଙ୍କଟେଶ୍ୱରଙ୍କ ମନ୍ଦିର ବାହାରେ ଦଳାଚକଟା।
ରାଜ୍ୟ ସରକାରଙ୍କ ବଡ ନିଷ୍ପତ୍ତି , ଓଡ଼ିଶାରୁ କୁମ୍ଭ ମେଳାକୁ ଯିବ ବସ୍।