ଛତିଶଗଡ଼ ବିଜାପୁରରେ ସାମ୍ବାଦିକଙ୍କୁ ହତ୍ୟା ମାମଲା

ଛତିଶଗଡ଼ ବିଜାପୁରରେ ସାମ୍ବାଦିକଙ୍କୁ ହତ୍ୟା ମାମଲା । ୩ ଅଭିଯୁକ୍ତଙ୍କୁ ଗିରଫ କଲା ବସ୍ତର ପୋଲିସ । ମୁକେଶ ଚନ୍ଦ୍ରାକରଙ୍କ ହତ୍ୟା ମାମଲାରେ ପଚରାଉଚରା ଜାରି ରଖିଛି ପୋଲିସ । ପାଇଖାନା ଟାଙ୍କିରୁ ଉଦ୍ଧାର ହେଲା ଜଣେ ସାମ୍ବାଦିକଙ୍କ ମୃତ ଦେହ । ଛତିଶଗଡ଼ ବିଜାପୁର ଜିଲ୍ଲାର ଏନଡିଟିଭି ସାମ୍ବାଦିକ ମୁକେଶ ଚନ୍ଦ୍ରାକାରଙ୍କୁ ନିର୍ମମ ଭାବେ ହତ୍ୟା କରିଛନ୍ତି ଜଣେ ଠିକାଦାର । ରାସ୍ତା କାମରେ ହୋଇଥିବା ଦୁର୍ନୀତିର ପର୍ଦାଫାଶ କରିବା ସାମ୍ବାଦିକଙ୍କ ପାଇଁ ହେଲା କାଳ । ମୁକେଶ ଚନ୍ଦ୍ରାକାର ଛତିଶଗଡ଼ର ବେଶ ଜଣାଶୁଣା ସାମ୍ବାଦିକ ଥିଲେ । ବସ୍ତର ଜଂଶନ ନାମରେ ତାଙ୍କର ଏକ ୟ୍ୟୁଟୁବ ଚେନାଲ ରହିଥିବା ବେଳେ ପୁର୍ବରୁ ଇଟିଭି, ନ୍ୟୁଜ୧୮ ଓ ବର୍ତ୍ତମାନ ଏନଡିଟିଭି ରେ ସାମ୍ବାଦିକ ଭାବେ କାର୍ୟ୍ୟ କରୁଥିଲେ ମୁକେଶ ଚନ୍ଦ୍ରାକର ।
ମାଓ ଇଲାକାର ବିକାଶ ଲାଗି ସରକାର କୋଟି କୋଟି ଟଙ୍କା ଖର୍ଚ୍ଚ କରୁଥିବା ବେଳେ ଠିକାଦାର ମାନେ ଆଦିବାସୀ ଲୋକଙ୍କୁ କିପରି ଭାବେ ଠକୁଛନ୍ତି ଲଗାତର ଭାବେ ତାହାର ପର୍ଦ୍ଦାଫାସ କରୁଥିଲେ ମୁକେଶ । ହେଲେ ଗାଙ୍ଗାଲୁର ଅଞ୍ଚଳର ଏକ ରାସ୍ତା ନିର୍ମାଣ କାର୍ୟ୍ୟରେ ହୋଇଥିବା ଦୁର୍ନୀତିକୁ ନେଇ ଠିକାଦାର ସୁରେଶ ଚନ୍ଦ୍ରାକାର ଙ୍କ ଆକ୍ରୋଶର ଶିକାର ହୋଇଥିଲେ ମୁକେଶ । ଗତ ୧ ତାରିଖରୁ ସାମ୍ବାଦିକ ମୁକେଶ ଚନ୍ଦ୍ରାକାର ନିଖୋଜ ଥିବାବେଳେ ଗତକାଲି ଠିକାଦାର ସୁରେଶ ଚନ୍ଦ୍ରାକାରଙ୍କ ପାଇଖାନା ଟାଙ୍କିରୁ ଶବ ଉଦ୍ଧାର କରିଛି ବିଜାପୁର ପୋଲିସ ।

ବ୍ୟୁରୋ ରିପୋର୍ଟ : ମୋ ଟିଭି ଓଡିଶା