ଶୀତ ମହୋତ୍ସବର ଦ୍ଵିତୀୟ ସନ୍ଧ୍ୟା,ନୃତ୍ୟରେ ତାଳେ ତାଳେ ନାଚିଲେ ଦର୍ଶକ ।

ଶୀତ ମହୋତ୍ସବର ଦ୍ଵିତୀୟ ସନ୍ଧ୍ୟା,ନୃତ୍ୟରେ ତାଳେ ତାଳେ ନାଚିଲେ ଦର୍ଶକ । ଶୀତରୁ ରକ୍ଷା ପାଇବା ପାଇଁ ମାଗଣାରେ ମିଳୁଛି ହର୍ବାଲ ଚାହା ଏବଂ ଗରମ ପାଣି ।

ଦାରିଙ୍ଗବାଡି,ମୋଟିଭି ଓଡ଼ିଶା:(ସୁଶାନ୍ତ କୁମାର ସାହୁ)

ଦାରିଙ୍ଗବାଡି ଠାରେ ଚାଲିଥିବା ଶୀତ ମହୋତ୍ସବର ଦ୍ଵିତୀୟ ସନ୍ଧ୍ୟାରେ କମିଟିର ସମ୍ପାଦକ ତଥା ବିଡ଼ିଓ ପ୍ରୀତି ରଞ୍ଜନ ରଥଙ୍କ ସଭାପତିତ୍ବ କ୍ରମେ ମୁଖ୍ୟ ଅତିଥି ଭାବେ ଜିଲ୍ଲା ପରିଷଦ ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ଶମ୍ଭୁନାଥ ନନ୍ଦୀ ଯୋଗ ଦେଇଥିଲେ । ଅତିଥି ଭାବେ ଫୁଲବାଣୀ ଉପ ଜିଲ୍ଲାପାଳ ଚିତ୍ତରଞ୍ଜନ ମହନ୍ତ, ଦାରିଙ୍ଗବାଡି ବ୍ଲକ ଅଧ୍ୟକ୍ଷ ସୁଶାନ୍ତ ପ୍ରଧାନ, ତହସିଲଦାର ଶରତ ଶବର, ସିଡିପିଓ ସନ୍ଧ୍ୟାରାଣୀ ପଣ୍ଡା, ତୁମ୍ବୁଡ଼ିବନ୍ଧ ବ୍ଲକ ଅଧ୍ୟକ୍ଷା ବାସନ୍ତୀ ମାଝୀ, ନୂଆଗାଁ ବ୍ଲକ ଅଧ୍ୟକ୍ଷ ସୁଲୋଚନା ଦଳବେହେରା ପ୍ରମୁଖ ଅତିଥି ଭାବେ ଯୋଗ ଦେଇଥିଲେ ।

ପର୍ଯ୍ୟଟନ ସ୍ଥଳୀ ଗୁଡ଼ିକୁ ସଫେଇ ରଖିଲେ ଆଗାମୀ ଦିନରେ ଆହୁରି ଅଧିକ ରୁ ଅଧିକ ପର୍ଯ୍ୟଟକ ଦାରିଙ୍ଗବାଡି ଆସିବେ ବୋଲି ମୁଖ୍ୟ ଅତିଥି କହିଥିଲେ ।ସାଂସ୍କୃତିକ କାର୍ଯ୍ୟକ୍ରମରେ ନୃତ୍ୟକାର ଶୈଳେନ୍ଦ୍ର ସାମନ୍ତରାୟ ଙ୍କ ନୃତ୍ୟରେ ସମସ୍ତ ଦର୍ଶକ ତାଳେ ତାଳେ ନୃତ୍ୟ କରିଥିଲେ । ଏଥି ସହିତ ଓଡ଼ିଶୀ ନୃତ୍ୟ, ପାରମ୍ପରିକ ନୃତ୍ୟ ପରିବେଷଣ ହୋଇଥିଲା । ପତିତପାବନ ରାଉତ, କୈଳାଶ ଚନ୍ଦ୍ର ଦଣ୍ଡପାଟ, କନିଷ୍ଠ ଯନ୍ତ୍ରୀ ଧିରେନ ସେଠୀ, ବିଏସଏସଓ ଖିତିସ୍ ପ୍ରିୟଦର୍ଶୀ ସାହୁ , ସନ୍ତୋଷ ସାହୁ ପ୍ରମୁଖ, ଦିଲୀପ ସାହୁ, ଲଡୁକିଶୋର ସାହୁ ପ୍ରମୁଖ ସହୋଜୋଗ କରିଥିଲେ । ଥାନା ଅଧିକାରୀ ଙ୍କ ସମେତ ଅର୍ଜୁନ ଶବର, ପି ଶ୍ରୀନିବାସ ରାଓ ଙ୍କ ସମେତ ପୋଲିସ ଫୋର୍ସ ସୁରକ୍ଷା ବ୍ୟବସ୍ଥା କଡାକଡି କରିଥିଲେ ।

ସେହିପରି ଦାରିଙ୍ଗବାଡି ବୋଲବମ୍ ସଂଘ ପକ୍ଷରୁ ପ୍ରଦୀପ କୁମାର ସାହୁଙ୍କ( ବୁଲୁ) ସଭାପତିତ୍ୱ ରେ ଶୀତୁଆ ରାତିରେ ଶୀତରୁ ରକ୍ଷା ପାଇବା ପାଇଁ ଲୋକଙ୍କୁ ମୁକ୍ତଭାବେ ଶୀତ ମହୋତ୍ସବ ରେ ମିଳୁଛି ମାଗଣାରେ ହର୍ବାଲ ଚାହା,ଗରମ ପାଣି ।ଏଥିରେ ଜଳେଶ୍ବର ବୋଲବମ ସଙ୍ଗର ସଦଶ୍ୟ ନୃସିଂଙ୍ଗ ସାହୁ(ମୁନା), ପ୍ରମୋଦ ସାହୁ, ଚିନ୍ତାମଣି ବେହେରା, କାଳିଆ ବିଶୋଇ, ଅବକାୟ ବେହେରା, ସନ୍ତୋଷ ସୁବୁଦ୍ଧି, ନୀଳମାଧବ ଡାକୁଆ,ରାହେନା ପ୍ରମୁଖ ସହଯୋଗ କରିଲେ ।