୩୧ ତମ ସଖା ସଂଘ ଫୁଟବଲ

ସର୍ବଭାରତୀୟ ୩୧ ତମ ସଖା ସଂଘ ଫୁଟବଲ : ମରାଠା ଫୁଟବଲ କ୍ଳବ୍, ଭଞ୍ଜନଗର ୧-୦ ଗୋଲରେ ବିଜୟ

ଖୋର୍ଦ୍ଧା ଜିଲ୍ଲା ନିରାକାରପୁର ସଖା ସଂଘ କ୍ରୀଡା ସଂସଦ ତରଫରୁ ଚାଲିଥିବା ୩୧ ତମ ସର୍ବଭାରତୀୟ ଫୁଟବଲ ଟୁର୍ଣ୍ଣାମେଣ୍ଟର ଆଜିର ମ୍ୟାଚରେ ମରାଠା ଫୁଟବଲ କ୍ଳବ୍, ଭଞ୍ଜନଗର ଓ ମେହେନ୍ଦିପୁର ଫୁଟବଲ ଏକାଡେମୀ, ଜଗତସିଂହପୁର, ପାରାଦୀପ ମଧ୍ୟରେ ଅନୁଷ୍ଠିତ ହୋଇଥିଲା। ଆଜିର ମ୍ୟାଚ୍ ସଂଘର୍ଷ ପୂର୍ଣ୍ଣ ହୋଇଥିବାବେଳେ ଏଥିରେ ମରାଠା ଫୁଟବଲ କ୍ଳବ୍, ଭଞ୍ଜନଗର ୧-୦ ରେ ମେହେନ୍ଦିପୁର ଫୁଟବଲ ଏକାଡେମୀ, ଜଗତସିଂହପୁରକୁ ହରାଇ ବିଜୟୀ ହୋଇଛି । ଆଜିର ଖେଳକୁ ଶିବ ଶଙ୍କର ପଣ୍ଡା, ସୁଜିତ୍ କୁମାର ପାତ୍ର , ସୁକାନ୍ତ କୁମାର ପ୍ରଧାନ ଓ ଓମ୍ ପ୍ରକାଶ ମିଶ୍ର , ଅକ୍ଷୟ କୁମାର ପଟ୍ଟନାୟକ, ଗଙ୍ଗାଧର ପଟ୍ଟନାୟକ,ବିଶ୍ଵନାଥ ବେହେରା ପ୍ରମୁଖ ପରିଚାଳନା କରିଥିଲେ।

ଆଜି ଅତିଥି ଭାବେ ସମାଜସେବୀ ପ୍ରଦୀପ କୁମାର ବଳିଆରସିଂହ, ଡ ସୁବାସ ଚନ୍ଦ୍ର ଚୌଧୁରୀ, ସଫଳ ବ୍ୟବସାୟୀ ପ୍ରଶାନ୍ତ କୁମାର ସାହୁ, ଅବସରପ୍ରାପ୍ତ ଡେପୁଟି ରେଞ୍ଜର ଅଜୟ କୁମାର ହରିଚନ୍ଦନ, ପୂର୍ବତନ ସରପଂଚ ଦିଲ୍ଲୀପ କୁମାର ବଳିଆରସିଂହ, ସମିତି ସଭ୍ୟ ଦିଲ୍ଲୀପ କୁମାର ବଡ଼ଜେନା, ରାମଦୟା ପରିଷଦ ସମ୍ପାଦକ ଗଙ୍ଗାଧର ତ୍ରିପାଠୀ ଉପସ୍ଥିତ ରହି ଖେଳାଳି ମାନଙ୍କୁ ଉତ୍ସାହିତ କରିବା ସହିତ ଉଭୟ ଦଳର ଏମ୍ ସନ୍ତୋଷ ଓ ସମ୍ବିତ ପାଢ଼ୀ ଙ୍କୁ ମ୍ୟାନ ଅଫ ଦି ମ୍ୟାଚ୍ ପୁରସ୍କାର ପ୍ରଦାନ କରିଥିଲେ। ଅବସରପ୍ରାପ୍ତ ଶିକ୍ଷକ କମଳ ଲୋଚନ ପ୍ରଧାନ ମଞ୍ଚ ପରିଚାଳନା କରିଥିଲେ ।ଆସନ୍ତା କାଲିର ମ୍ୟାଚ୍ ସ୍ପୋର୍ଟସ ହଷ୍ଟେଲ,କଟକ ଓ ନାମଖନ ଫୁଟବଲ ଏକାଡେମୀ, ବେହେଲା, କଲିକତା ମଧ୍ୟରେ ଅନୁଷ୍ଠିତ ହେବ।

ମୋ ଟିଭି ଓଡିଶା, ଖୋର୍ଦ୍ଧା