ଅଙ୍ଗନବାଡ଼ି କେନ୍ଦ୍ରକୁ ଯାଇଥିବାରୁ ବଞ୍ଚିଗଲା ୩ ବର୍ଷର ଶିଶୁର ଜୀବନ ।

ଦାରିଙ୍ଗବାଡି,ମୋ ଟିଭି ଓଡ଼ିଶା:(ସୁଶାନ୍ତ କୁମାର ସାହୁ)

ଦାରିଙ୍ଗବାଡି ବ୍ଲକ ଗଦାପୁର ପଞ୍ଚାୟତ ମାଣ୍ଡିପଙ୍କା ଗ୍ରାମରେ ଆମ୍ବ ଟାକୁଆ ଯାଉ ଖାଇ ୨ ଜଣ ମହିଳା ମୃତ୍ୟୁ ବରଣ କରିଥିବା ବେଳେ ୬ ଜଣ ଗୁରୁତର ହୋଇ ବ୍ରହ୍ମପୁର ବଡ଼ ମେଡ଼ିକାଲ ରେ ଚିକିତ୍ସିତ ହେଉଛନ୍ତି ।

ହେଲେ ଅଳ୍ପକେ ବର୍ତ୍ତି ଯାଇଛନ୍ତି ମୃତ ରମିତା ପାଟମାଝୀ ଙ୍କ ୩ ବର୍ଷ ୭ ମାସର ପୁଅ ରେହେମାନ ପାଟମାଝୀ । ମଙ୍ଗଳବାର ଦିନ ୧୧ ଟା ସମୟ ରେ ଆମ୍ବ ଟାକୁଆ ୨ ପରିବାର ରେ ଥିବା ୮ ଜଣ ମହିଳା ଭାଗ କରି ଖାଇଥିଲେ । ହେଲେ ରମୀତା ଙ୍କ ପୁଅ ଅଙ୍ଗନବାଡ଼ି ଯାଇଥିବା ଯୋଗୁଁ ସେ ଏହି ଟାକୁଆ ଖାଇବାରୁ ବଞ୍ଚିତ ହୋଇଥିଲେ । ଅଙ୍ଗନବାଡି ରୁ ପୁଅ ଆସିଲା ବେଳେ ସମସ୍ତେ ଆମ୍ବ ଟାକୁଆ ଯାଉ ଖାଇସାରି ଥିଲେ ।

ଫଳରେ ଅଳ୍ପକେ ବର୍ତ୍ତି ଯାଇଥିଲେ ଶିଶୁ । ମୃତ ରମିତା ଙ୍କ ଆଉ ଗୋଟେ ୬ ମାସର ଝିଅ ଘରେ ଥିବା ବେଳେ ପିଲା ଛୋଟ ଥିବା ଯୋଗୁଁ ତାକୁ ଟାକୁଆ ଯାଉ ଖାଇବାକୁ ଦେଇନଥିଲେ। ନହେଲେ ଅକାଳରେ ୨ ଶିଶୁଙ୍କ ଜୀବନ ଚାଲି ଯାଇଥାନ୍ତା । ଏହି ୨ ମା ଛେଉଣ୍ଡ ଶିଶୁ ଙ୍କୁ ସରକାର ଙ୍କ ପକ୍ଷରୁ ଥଇଥାନ କରିବା ସହ ସହାୟତା ପ୍ରଦାନ କରିବା ପାଇଁ ଦାବି ହୋଇଛି ।