ବିପଦକୁ ଆମନ୍ତ୍ରଣ କରୁଛି ରାସ୍ତାରେ ଭାଙ୍ଗି ପଡିଥିବା ଗଛ।

ମୋଟିଭି ଓଡିଶା : କଳାହାଣ୍ଡି : ୦୬/୦୫ : କୋକସରା ବ୍ଲକ କୋକସରା ସଦର ମହକୁମା ଠାରୁ ବେହେରାକୁ ସଂଯୋଗ କରୁଥିବା ପୂର୍ତ୍ତ ବିଭାଗର ରାସ୍ତାର କୋକସରା ଶିଶୁ ମନ୍ଦିର ନିକଟରେ ଗତ ୫ ତାରିଖ ଅପରାହ୍ନରେ ହୋଇଥିବା କାଳବୈଶାଖୀ ପ୍ରଭାବରେ ଏକ ବମୁର ଗଛ ରାସ୍ତା କୁ ଅବରୋଧ କରି ଭାଙ୍ଗି ପଡିଛି। ତେବେ ଏହି ରାସ୍ତା ଦେଇ ପ୍ରତିଦିନ ଅନେକ ସଂଖ୍ୟକ ଗାଡିମୋଟର ଯାତାୟାତ ହେଉଥିବା ବେଳେ ରାସ୍ତା ମଝିରେ ଗଛ ପଡି ରହିଥିବା କାରଣରୁ ଅନେକ ସମୟରେ ବାଇକ ଚାଳକ ମାନେ ଦୁର୍ଘଟଣା ହେଉଥିବା ଜଣାପଡିଛି।

ଘଟଣାକୁ ଏକ ସପ୍ତାହ ହୋଇଥିଲେ ମଧ୍ୟ ଗଛଟି ରାସ୍ତାକୁ ଅବରୋଧ କରି ରଖିଛି। ଅନ୍ୟପଟେ ପୂର୍ତ୍ତ ବିଭାଗ ଦ୍ଵାରା ଲଗା ହୋଇଥିବା ଏକ ସରକାରୀ ଯୋଜନାର ହୋଡ଼ିଂ ମଧ୍ୟ ସେହି କାଳବୈଶାଖୀ ପବନରେ ରାସ୍ତା ଉପରେ ସେହି ଦିନ ଠାରୁ ପଡି ରହିଛି। ଫଳରେ ରାସ୍ତାରେ ଯାଉଥିବା ବାଇକ ଚାଳକ ମାନେ ଦୁର୍ଘଟଣା ହେବାର ସମ୍ଭାବନା ରହିଛି। ଏନେଇ ବିଭାଗୀୟ ଅଧିକାରୀଙ୍କ ଦୃଷ୍ଟି ଗୋଚର ହେଉନାହିଁ, ଏଣୁ ପୂର୍ତ୍ତ ବିଭାଗ ରାସ୍ତା ରେ ପଡି ରହିଥିବା ଗଛ ଓ ହୋଡ଼ିଂ କୁ ହଟାଇବାକୁ ସାଧାରଣରେ ଦାବି ହେଉଛି।