ନବଦ୍ବୀପ ରୁ ପୁରୀ ପଦ ଯାତ୍ରାରେ ଯାଉଥିବା ସନ୍ୟାସୀ ଟ୍ରକ ଧକାରେ ଗୁରୁତର।

ମୋ ଟିଭି ଓଡିଶା /  ସୋର : ୨୧/୦୬/୨୦୨୪

ନବଦ୍ବୀପରୁ ପୁରୀ ଅଭିମୁଖେ ପଦଯାତ୍ରାରେ ବାହାରିଥିବା ଜଣେ ସନ୍ୟାସୀଙ୍କୁ ପଛରୁ ଏକ ଟ୍ରକ ଧକା ଦେବା ଫଳରେ ସନ୍ୟାସୀ ଜଣଙ୍କ ଗୋଟିଏ ଗୋଡ ହରାଇ ଗୁରୁତର ଆହତ ହୋଇଛନ୍ତି। ସୂଚନା ଅନୁସାରେ ପଶ୍ଚିମବଙ୍ଗ ଅଂଚଳର ଝଣ୍ଟୁ ଦଳେଇ (୩୫) ଜଣେ ଇସ୍କନ ଦୀକ୍ଷିତ ସନ୍ୟାସୀ ଅଟନ୍ତି। ସେ ଓ ତାଙ୍କ ସହ ୫୦ ଜଣ ଲୋକ ଗତ ତାରିଖରୁ ନବଦ୍ବୀପରୁ ପୁରୀ ଅଭିମୁଖେ ପଦଯାତ୍ରାରେ ବାହାରିଥିଲେ। ଗତକାଲି ରାତିରେ ଖନ୍ତାପଡ଼ାରେ ଥିବା ବେଳେ ଆଜି ସକାଳେ ପଦଯାତ୍ରାରେ ପୁନଶ୍ଚ ପୁରୀ ଅଭିମୁଖେ ବାହାରିଥିଲେ। ସୋର ଥାନା ୧୬ ନମ୍ବର ଜାତୀୟ ରାଜପଥ ଉତ୍ତରେଶ୍ୱର ନିକଟରେ ଏକ ଟ୍ରକ ତାଙ୍କୁ ପଛରୁ ଧକା ଦେବା ସହିତ ତାଙ୍କ ବାମ ଗୋଡ଼ରେ ଚଢିଯାଇଥିଲା। ଫଳରେ ସେ ଗୁରୁତର ଆହତ ହୋଇଥିଲେ। ସ୍ଥାନୀୟ ଲୋକେ ତାଙ୍କୁ ଉଦ୍ଧାର କରି ସୋର ଡାକ୍ତରଖାନା ଆଣିଥିବା ବେଳେ ସେଠାରେ ତାଙ୍କର ଅବସ୍ଥା ଗୁରୁତର ଥିବାରୁ ତାଙ୍କୁ ବାଲେଶ୍ୱର ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି।