୩ ଘରୁ ସିରିଜ ଚୋରି

ସୋର (ମୋ ଟିଭି ଓଡିଶା ) ୨୯/୦୮/୨୪ :

ସୋର କମାଣପୁର ଟ୍ରେଜେରୀ କଲୋନିରୁ ଗତକାଲି ରାତିରେ ତିନୋଟି ଘରୁ ଚୋରି ହୋଇଥିବା ଜଣାପଡିଛି। ସୂଚନା ଅନୁସାରେ ଗତକାଲି ବିଳମ୍ବିତ ରାତିରେ ଏହି ଗ୍ରାମର ପ୍ରଫୁଲ୍ଲ ରାଉତ,କୃତିବାସ ରାଉତ ଓ ଅନ୍ନପୂର୍ଣା ସନ୍ଦିବିଗ୍ରହଙ୍କ ଘରୁ ଚୋରି ହୋଇଛି। ଅନ୍ନପୂର୍ଣା ଗତକାଲି ଅପରାହ୍ନରେ ନିଜ ସମ୍ପର୍କୀୟଙ୍କ ଘରକୁ ଯାଇଥିଲେ। ସେହିପରି କୃତିବାସ ତାଙ୍କ ପୁଅ ଅମେରିକାରେ ରହୁଥିବାରୁ ଗତ ଜାନୁଆରୀ ରୁ ସେଠାରେ ରହୁଛନ୍ତି। ତେବେ ଏହାର ସୁଯୋଗ ନେଇ କିଛି ଦୁର୍ବୁର୍ତ୍ତ ଘରର ଗ୍ରୀଲ ଓ କବାଟ ଭାଙ୍ଗି ଚୋରି କରିଥିଲେ। ଏଥିରେ ଅନ୍ନପୂର୍ଣା ଙ୍କର ୫ ରୁ ୬ ଭରି ଓଜନର ସୁନା ୧୨ ହଳ ରୁପା ପାଉଁଜି ଏବଂ ନଗଦ ୪୦ ହଜାର ଟଙ୍କା ଚୋରି ହୋଇଥିବା ବେଳେ ଅନ୍ୟ ମାନଙ୍କ ଘରୁ ବିଶେଷ କିଛି ଚୋରି ହୋଇନଥିବା ଜଣାପଡିଛି। ଖବର ପାଇ ପୁଲିସ ସାଇନଟିଫିକ ଟିମ ସହ ଘଟଣା ସ୍ଥଳରେ ପହଂଚି ତଦନ୍ତ ଆରମ୍ଭ କରିଥିବା ଜଣାପଡ଼ିଛି।