ଆଜି ଜନ୍ମବେଦୀକୁ ବିଜେ କରିବେ ବିଶ୍ବନିଅନ୍ତା,

ମୋ ଟିଭି ଓଡିଶା / ପୁରୀ :

ଆଜି ରଥରୁ ଆଡପମଣ୍ଡପ ବିଜେ କରିବେ ଦାରୁବ୍ରହ୍ମ । ଗୋଟି ପହଣ୍ଡିରେ ଆଡପମଣ୍ଡପ ଯାତ୍ରା କରିବେ ବିଶ୍ବନିଅନ୍ତା । ଆଜି ଶରଧାବାଲିରେ ଦିନସାରା ଶ୍ରୀଜିଉଙ୍କ ଦର୍ଶନ ପାଇବେ ଭକ୍ତ । ଶରଧାବାଲିରେ ଉଭା ହୋଇଛନ୍ତି ବିଶ୍ବନିଅନ୍ତା । ରତ୍ନ ସିଂହାସନ ଛାଡି ଜନ୍ମ ବେଦୀକୁ ଆସିଛନ୍ତି ଚତୁର୍ଦ୍ଧାମୂର୍ତ୍ତି । ରଥାରୂଢ ତିନି ଠାକୁରଙ୍କୁ ଦର୍ଶନ କରି ସାନ୍ନିଧ୍ୟ ଲାଭ କରୁଛନ୍ତି ଭକ୍ତ । ଆଜି ଜନ୍ମବେଦୀ ତଥା ଆଡପମଣ୍ଡପକୁ ବିଜେ କରିବେ ଶ୍ରୀଜିଉ । ରଥରୁ ଘୋଡା ଖୋଲାଯାଇ ଚାରମାଳ ବନ୍ଧାଯିବା ପରେ ସନ୍ଧ୍ୟାରେ ଦାରୁଦିଅଁଙ୍କ ପହଣ୍ଡି ବିଜେ ଆରମ୍ଭ ହେବ । ଗୋଟି ପହଣ୍ଡିରେ ଆଡପମଣ୍ଡପ ଯାତ୍ରା କରିବେ ବିଶ୍ବନିଅନ୍ତା । ଏହାପରେ ଆସନ୍ତାକାଲି ଶ୍ରଦ୍ଧାଳିଙ୍କୁ ମିଳିବ ଆଡପ ଅବଢା ।

ଗତକାଲି ତିନି ରଥ ଶରଧାବାଲିରେ ପହଞ୍ଚିବା ପରେ ସମସ୍ତ ନୀତିକାନ୍ତି ହୋଇଥିଲା । ଶ୍ରଦ୍ଧାଳି ମାନେ ଭଗବାନଙ୍କୁ ଶରଦାବାଲିରେ ଦର୍ଶନ କରିଥିଲେ । ରାତିରେ ପହଡ ପଡିବା ପରେ ଆଜି ସକାଳୁ ପହଡ ଖୋଲିବା ସହ ମଙ୍ଗଳ ଆଳତି, ମଇଲମ ଓ ଅନ୍ୟ ନୀତିକାନ୍ତି ହେବ । ଅପରାହ୍ନରେ ଚତୁର୍ଦ୍ଧାମୂର୍ତ୍ତିଙ୍କୁ ଶ୍ରୀଗୁଣ୍ଡିଚା ମନ୍ଦିରର ଆଡପ ମଣ୍ଡପକୁ ପହଣ୍ଡି କରାଯିବ । ପହଣ୍ଡି ପୂର୍ବରୁ ଆଜି ଦିନ ତମାମ ମହାପ୍ରଭୁଙ୍କ ଦର୍ଶନ କରି ପାରିବେ ଭକ୍ତ । ଯେଉଁ ମାନେ ରଥଯାତ୍ରାରେ ଶ୍ରୀଜିଉଙ୍କୁ ଦର୍ଶନ କରିବାରେ ବଞ୍ଚିତ ହୋଇଥିଲେ , ସେମାନେ ଆଜି ଦର୍ଶନ କରିପାରିବେ ।