ଗୋଡ଼ ଭାଙ୍ଗି ଯିବାରୁ ରୋଜଗାର ହରାଇଥିଲେ, ସ୍ୱାଧୀନତା ଦିବସରେ ସରପଞ୍ଚ ଯୋଗାଇ ଦେଲେ ଟ୍ରାଇ ସାଇକେଲ।

ମୋ ଟିଭି ଓଡିଶା / କଳାହାଣ୍ଡି : ୧୭/୦୮

କଳାହାଣ୍ଡି ଜିଲ୍ଲା କୋକସରା ବ୍ଲକ ଆମପାଣି ପଞ୍ଚାୟତର ବୁଦ୍ଧଦେବ ମାଝୀ । ପ୍ରାପ୍ତ ବୟସରେ ପନିପରିବା ଚାଷ କରି ପାଞ୍ଚ ପ୍ରାଣୀ କୁଟୁମ୍ବ ବେଶ୍ ଆରାମରେ ଚଳି ଯାଉଥିଲେ । ହଠାତ୍ ଏକ ଦୁର୍ଘଟଣା ରେ ଗୋଡ଼ ଭାଙ୍ଗିବା ପରେ ଅସହାୟ ହୋଇ ପଡିଛନ୍ତି ।ଗୋଡ଼ ଭାଙ୍ଗିଯିବା ଫଳରେ ସେ ଚିକିତ୍ସା ଓ ଅର୍ଥାଭାବରୁ ଏବେ ଶଯ୍ୟାଶାୟୀ । ୮୦ ବର୍ଷୀୟ ବୃଦ୍ଧ ବୁଦ୍ଧଦେବଙ୍କ ଏଭଳି ଅବସ୍ଥା ଦେଖି ଆମପାଣି ସରପଞ୍ଚ ରୁକ୍ମିଣୀ ବାଣୁଆ ବ୍ଲକ ପ୍ରଶାସନ ସହଯୋଗ କ୍ରମେ ସ୍ଵାଧୀନତା ଦିବସ ରେ ଯାତାୟାତ ରେ ସୁବିଧା ପାଇଁ ଏକ ଟ୍ରାଇ ସାଇକଲ ପ୍ରଦାନ କରିଛନ୍ତି ।

ସୂଚନା ଯୋଗ୍ୟ ଯେ ସରପଞ୍ଚ ସବୁ ଗଣତନ୍ତ୍ର ଦିବସ ଓ ସ୍ୱାଧୀନତା ଦିବସରେ କିଛି ନା କିଛି ସେବାକାର୍ଯ୍ୟ ଦ୍ୱାରା ସଚେତନତା ବାର୍ତ୍ତା ବାଣ୍ଟିଥାନ୍ତି । ଅନ୍ୟପଟେ ଟ୍ରାଇ ସାଇକଲ ପାଇ ବୃଦ୍ଧ ବୁଦ୍ଧଦେବ ସରପଞ୍ଚ ଓ ପଞ୍ଚାୟତ ଅଧିକାରୀ ଙ୍କୁ କୃତଜ୍ଞତା ଜଣାଇଛନ୍ତି।ଏହି ଅବସର ରେ ସମିତି ସଭ୍ୟ ନର୍ତ୍ତକୀ ଦଣ୍ଡସେନା, କାର୍ଯ୍ୟ ନିର୍ବାହୀ ଅଧିକାରୀ ଗିରିଶ ଚନ୍ଦ୍ର ନାଏକ ତଥା ସମିତି ସଭ୍ୟ, ସଭ୍ୟା ଉପସ୍ଥିତ ଥିଲେ।