ଖୋର୍ଦ୍ଧା : ୧୭/୦୪ : ସାରା ରାଜ୍ୟରେ ଏବେ ପାରଦ ଉପର ମୁହାଁ। ଯୁଆଡେ ଚାହିଁବ ସିଆଡେ ଖାଲି ବର୍ଷୁଛି ନିଆଁ। ଲୋକେ ତ୍ରାହି ତ୍ରାହି ଡାକ ଦେଲେଣି। ଏପରି ସ୍ଥଳେ ସହରୀ ଲୋକେ ଏସି ବ୍ୟବହାର କରୁଥିବା ବେଳେ ଗାଁ ଗହଳିର ଲୋକେ ପ୍ରଚଣ୍ଡ ଗ୍ରୀଷ୍ମ ପ୍ରବାହରୁ ଆଶ୍ଵସ୍ତି ପାଇବା ପାଇଁ ପୋଖରୀ ପାଣି ଉପରେ ନିର୍ଭର କରୁଛନ୍ତି।
ଖୋର୍ଦ୍ଧା ଜିଲ୍ଲା ହାଟ ବରଡ଼ି ଗ୍ରାମ ପଞ୍ଚାୟତର ବରଡ଼ି ଗ୍ରାମର ଜୟ ବେହେରାଙ୍କ ୮ ବର୍ଷିୟା ଝିଅ ସୁଚିତ୍ରା ବେହେରା ନିଜର ସାଥି ପିଲାଙ୍କ ସହ ଗାଁ ପୋଖରୀରେ ଗାଧୋଇବାକୁ ଯାଇଥିଲା। ତେବେ ଗାଧୋଇବା ବେଳେ ଅକସ୍ମାତ ସୁଚିତ୍ରା ଗଭୀର ଜଳକୁ ପଳାଇ ଯାଇଥିଲା। ଫଳରେ ସେ ପାଣିରେ ବୁଡି ଯାଇଥିଲା। ଏହା ଦେଖି ସ୍ଥାନୀୟ ଲୋକେ ସୁଚିତ୍ରା ଙ୍କୁ ଉଦ୍ଧାର କରି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ରେ ଭର୍ତ୍ତି କରିଥିଲେ। ହେଲେ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ। ଟାଙ୍ଗୀ ପୋଲିସ ମୃତଦେହ ଉଦ୍ଧାର କରି ତଦନ୍ତ କରୁଛି। ତେବେ ଏହି ଘଟଣା ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳି ଯାଇଛି।
More Stories
ନଳକୂପ ଅଚଳ : ଚୁଆପାଣି ପିଉଛନ୍ତି ପାଇବରସାହି ଗ୍ରାମବାସୀ
ବଢ଼ିଲା ଆଶିଷଙ୍କ ସମସ୍ୟା, କୁଟ୍ଟେଙ୍କୁ ଆଶ୍ବସ୍ତି…..
ଚିକିତ୍ସା ପାଇଁ ‘ଆଭା ଆଇଡି’ ବାଧ୍ୟତାମୂଳକ