ଅବସରପ୍ରାପ୍ତ ସୈନିକ ମାନଙ୍କ ଏକ ଜରୁରୀ ବୈଠକ ଅନୁଷ୍ଠିତ।

ମୋ ଟିଭି ଓଡିଶା / ଖୋର୍ଦ୍ଧା :

ରବିବାର ଦିନ କଳିଙ୍ଗ ଭେଟେରାନ ଆସୋସିଏସନ (ଭୂତପୂର୍ବ ସୈନିକ ସଂଘ)ଜଙ୍କିଆ ଶାଖାର ଭେଟେରାନ ମାନଙ୍କ ଦ୍ଵାରା ଏକ ବୈଠକ ମା ବଘେଇ ଠାକୁରାଣୀ ପୀଠ ଜଙ୍କିଆ ଠାରେ ଅନୁଷ୍ଠିତ ହୋଇଯାଇଛି। ଏହି ବୈଠକରେ ମୁଖ୍ୟ ଅତିଥି ଭାବରେ ଷ୍ଟେଟ ଵ୍ୟାଙ୍କ ଅଫ୍ ଇଣ୍ଡିଆ ଛାଣଗିରି ବ୍ରାଞ୍ଚର ମ୍ୟାନେଜେର ଶ୍ରୀଯୁକ୍ତ ପ୍ରଫୁଲ ସିହିଅଲ ଏବଂ ସମ୍ମାନିତ ଅତିଥି ଭାବରେ ଫିଲଡ଼ ଅଫିସର ଶ୍ରୀଯୁକ୍ତ ଭଗବାନ ପଣ୍ଡା ଯୋଗଦେଇଥିଲେ।

ଏହି ବୈଠକରେ ଭୁତପୁର୍ବ ସୈନିକ ତଥା କେ.ଭି ଏ. ଆସୋସିଏସନ ର ଭେଟେରାନ ମାନଙ୍କର ଦ୍ଵାରା କରାଯାଉଥିବା ବିଭିର୍ଣ୍ଣ ସାମାଜିକ କଲ୍ୟାଣ କାର୍ଯ୍ୟକୁ ମ୍ୟାନେଜର ଏବଂ ଫିଲଡ଼ ଅଫିସର ବହୁତ ପ୍ରଶଂସା କରିଥିଲେ ଏଥି ସହିତ ୫୦୦୦ ଟଙ୍କା ଆସୋସିଏସନ କୁ ପ୍ରଦାନ କରିଥିଲେ. ସଭା କେ ଭି ଏ ର ସଂମ୍ପାଦକ ଅଶୋକ ଶ୍ରୀଚନ୍ଦନଙ୍କ ସଭାପତିତ୍ୱ ରେ ଅନୁଷ୍ଠିତ କରାଯାଇଥିଲା।

ଏହି ସଭାରେ କେ ଭି ଏ ର ପ୍ରେସିଡେଣ୍ଟ ବିଜୟ କୁମାର ବଳିୟାରସିଂ,ବିପିନ ବିହାରୀ ମାନସିଂ, ଜ୍ୟୋତି ରଞ୍ଜନ ବଳବନ୍ତରାୟ , ସୁରେନ୍ଦ୍ର ଚମ୍ପତି ଏବଂ ଅନ୍ୟ ସଭ୍ୟ ମାନେ ଉପସ୍ଥିତ ଥିଲେ ଶେଷରେ ଭାରତମାତା କି ଜୟର ନାରା ଦେଇ ସଭାକୁ ସାଙ୍ଗ କରାଗଲା। ଆସନ୍ତା ଅଗଷ୍ଟ ୧୫ ତାରିଖରେ ସମସ୍ତ ଭେଟେରାନ ଭୂତପୂର୍ବ ସୈନିକ ମାନେ ସ୍ୱାଧିନତା ଦିବସକୁ ମହା ଆଡମ୍ବରରେ ପାଳନ କରିବାକୁ ସଭାରେ ସ୍ଥିର ହୋଇଥିବା ଜଣାପଡିଛି।