ଛତିଶଗଡ଼ ବିଜାପୁରରେ ପୁଣି ଏନକାଉଣ୍ଟର ।

ଏନକାଉଣ୍ଟରରେ ୩ ମାଓବାଦୀ ନିପାତ । ୩ ମାଓବାଦୀଙ୍କ ମୃତଦେହ ଉଦ୍ଧାର କରାଯାଇଛି । ନ୍ୟାସନାଲ ପାର୍କ ଜଙ୍ଗଲରେ ଯବାନ-ମାଓବାଦୀଙ୍କ ମଧ୍ୟରେ ଗୁଳିବିନିମୟ ହୋଇଥିଲା । ଏଥିରେ ୩ ମାଓବାଦୀଙ୍କ ମୃତ୍ୟୁ ହୋଇଛି । ଘଟଣାସ୍ଥଳରୁ ଅଟୋମେଟିକ ବନ୍ଧୁକ ମାଓ ସାମଗ୍ରୀ ଜବତ ହୋଇଛି । ସେପଟେ ମାଲକାନଗିରି ଜିଲ୍ଲାରେ ପୋଲିସକୁ ମିଳିଲା ବଡ ସଫଳତା । ଜଙ୍ଗଲର ଭିତରେ କୁମିଂ ଅପରେସନ କରିବା ସମୟରେ ଠାବ ହେଲା ବଡ ଧରଣର ମାଓ ଡମ୍ପ । ଏମ.ଭି୭୯ ଥାନା ଅନ୍ତର୍ଗତ ଜିନେଲଗୁଡା ଜଙ୍ଗଲରେ ଡିଭିଏଫ ବାହିନୀ ପକ୍ଷରୁ କୁମିଂ ଅପରେସନ ଚାଲିଥିବା ବେଳେ ଜବାନ ମାନେ ମାଓବାଦୀଙ୍କ ଏହି ଡମ୍ପକୁ ଠାବ କରିଥିଲେ । ଯାହା ମଧ୍ୟରେ ରହିଛି ଗୋଟିଏ ଏସଏଲଆର ବନ୍ଧୁକ,ଏସଏଲଆର ମାଗାଜିନ, ଚାରିଟି ଚାର୍ଜର, ଗୁଳି ସହ ନକ୍ସଲ ପୋଷାକ ଓ ପ୍ରଚାର ପତ୍ର ଜବତ ହୋଇଛି । ସୁରକ୍ଷା କର୍ମୀଙ୍କୁ ଟାର୍ଗେଟ କରିବା ଲାଗି ମାଓବାଦୀ ମାନେ ଏହି ସବୁ ବିସ୍ଫୋରକ ସାମଗ୍ରୀ ଜଙ୍ଗଲ ଭିତରେ ଲୁଚେଇ ରଖିଥିଲେ ବୋଲି ମାଲକାନଗିରି ଏସପି ବିବେକାନନ୍ଦ ଶର୍ମା କହିଛନ୍ତି ।

ମୋ ଟିଭି ଓଡିଶା, ମାଲକାନଗିରି