ଦୁର୍ନୀତି ନିବାରଣ ସଚେତନତା ସପ୍ତାହ ପାଳିତ

ସୋର : ୨୯/୧୦

ଓଡିଶା ସରକାରଙ୍କ ପକ୍ଷରୁ ଦୁର୍ନୀତି ନିବାରଣ ସଚେତନତା କାର୍ଯ୍ୟକ୍ରମ ଆରମ୍ଭ ହୋଇଯାଇଛି। ଚଳିତ ଅକ୍ଟୋବର ମାସ ୨୮ ତାରିଖରୁ ଆରମ୍ଭ ହୋଇ ନଭେମ୍ବର ୩ ତାରିଖ ପର୍ଯ୍ୟନ୍ତ ବିଭିନ୍ନ ସରକାରୀ କାର୍ଯ୍ୟାଳୟ ମାନଙ୍କରେ ଏହି କାର୍ଯ୍ୟକ୍ରମ ପାଳନ କରାଯିବା ସହିତ ସଚେତନତା କରାଯିବ।

ଏହି ଅବସରରେ ଆଜି ସୋର ଉପନିବନ୍ଧକଙ୍କ କାର୍ଯ୍ୟାଳୟ ପରିସରରେ ଦୁର୍ନୀତି ନିବାରଣ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ଉପନିବନ୍ଧକ ଅଧିକାରୀ ମାଧୁରୀ ବେହେରାଙ୍କ ନେତୃତ୍ୱରେ ଅନ୍ୟ କର୍ମଚାରୀ ମାନେ ଏଥିରେ ସାମିଲ ହୋଇଥିଲେ। ଶ୍ରୀମତି ବେହେରା କର୍ମଚାରୀ ମାନଙ୍କୁ ଶପଥ ପାଠ କରାଇଥିଲେ।

ଏହି ସମୟରେ ଉପସ୍ଥିତ ଥିବା ଲୋକ,ମହୁରର ଓ କର୍ମଚାରୀ ମାନଙ୍କୁ ଲାଞ୍ଚ ନେବା ନାହିଁ କିମ୍ବା ଲାଞ୍ଚ ଦେବା ନାହିଁ ବୋଲି ଶପଥ କରାଇ ସଚେତନ କରାଯାଇଥିଲା।ଏଥିରେ ଅଫିସ କର୍ମଚାରୀ ଅଂଶଗ୍ରହଣ କରିଥିଲେ।