ବାଗୁଡି ମହୋତ୍ସବ ଉଦଘାଟିତ

ସୋର,୧/୧୧

ସୋର ବ୍ଲକ ବଗୁଡିଠାରେ ପ୍ରଥମ ବାଗୁଡି ମହୋତ୍ସବ ଉଦ୍ଘାଟିତ ହୋଇଯାଇଛି। ଆଜିର ଉଦ୍ଘାଟନି ଉତ୍ସବରେ ନବୋଦୟ ବିଦ୍ୟାଳୟର ଅଧକ୍ଷ ବିଦ୍ୟାଧର ସାହୁ ଉତ୍ସବକୁ ଉଡ଼ଘଟନ କରିବା ସହିତ ମୁଖ୍ୟ ଅତିଥି ଭାବେ ଯୋଗ ଦେଇ ନିଜର ବକ୍ତବ୍ୟ ରଖିଥିଲେ।

ମୁଖ୍ୟ ବକ୍ତା ଭାବେ ମହୁମୁହାଣ ପଂଚାୟତର ସରପଞ୍ଚ ଗଦାଧର ମହାପାତ୍ର ,ରାଜ୍ୟପାଳ ପୁରସ୍କାରପ୍ରାପ୍ତ ପ୍ରଧାନ ଶିକ୍ଷକ ଦେବେନ୍ଦ୍ର ପ୍ରଧାନ ,ସମ୍ମାନିତ ଅତିଥିଭାବେ ବୈଭବ ରାଉତରାୟ, ବରଣ୍ୟ ଅତିଥି ଭାବେ ଅଜିତ କୁମାର ନାୟକ ଯୋଗ ଦେଇ ନିଜନିଜର ବକ୍ତବ୍ୟ ପ୍ରଦାନ ଦେଇଥିଲେ।

କମିଟିର ସମ୍ପାଦକ ମୁକ୍ତିକାନ୍ତ ଘଡାଇ ବିବରଣୀ ପାଠ କରିଥିବା ବେଳେ ଅତିଥି ପରିଚୟ ଓ ମଞ୍ଚପରିଚାଳନା କରିଥିଲେ ପରିଚାଳନା କମିଟିର ସଦସ୍ୟ ସୁବ୍ରତ କୁମାର ବାରିକ। ଶେଷରେ ତାପସ କୁମାର ପାତ୍ର ଧନ୍ୟବାଦ ଅର୍ପଣ କରିଥିଲେ।ଏହି କାର୍ଯ୍ୟକ୍ରମକୁ ବନ୍ଦେମାତାରମ କାଳଚୁରାଲ ଏସୋସିଏସନ ଓ ବାଗୁଡି ମହୋତ୍ସବ କମିଟିର କର୍ମକର୍ତା ମାନେ ପରିଚାଳନାରେ ସହଯୋଗ କରିଥିଲେ।