ବରଗଡ଼ ନବରଙ୍ଗପୁର ଓଏସଆରଟିସି ଯାତ୍ରୀବାହୀ ବସ ପୁନଃ ଚଳାଚଳ ପାଇଁ ଅଞ୍ଚଳବାସୀ ଙ୍କ ଦାବି।

କଳାହାଣ୍ଡି:୨୫/୧୨
ରିପୋର୍ଟ—ସନତ ପ୍ରଧାନୀ

ବରଗଡ଼ ରୁ ନବରଙ୍ଗପୁର ଓଏସଆରଟିସି ବସ କୁ କୌଣସି କାରଣରୁ ପରିବହନ ବିଭାଗ ପକ୍ଷରୁ କିଛିଦିନ ଧରି ଚଳାଚଳ ବନ୍ଦ ରହିଛି। ଫଳରେ ଦୈନନ୍ଦିନ ଜୀବନରେ ଏହି ବସ ଉପରେ ନିର୍ଭର କରୁଥିବା ଯାତ୍ରୀମାନେ ନାହିଁନଥିବା ଅସୁବିଧା ର ସମ୍ମୁଖୀନ ହେଉଥିବା ଅଭିଯୋଗ କରିଛନ୍ତି। ଏହି ବସ ଟି ନବରଙ୍ଗପୁର ରୁ ସକାଳ ରୁ ବାହାରି ସକାଳ ୭ ଘଣ୍ଟା ରେ କୋକସରା ବ୍ଲକ ର ଆମପାଣି,ଶିଉନି, ମହାଜନଗୁଡା, କାଉଡୋଳା, କୋକସରା, ଚିଲିଗୁଡା, କୁସୁମଖୁଣ୍ଟି ,ମୋଟେର ଅଞ୍ଚଳ ର ଶତାଧିକ ଯାତ୍ରୀ ନିର୍ଭର କରି ରହୁଥିଲେ।

ଜିଲ୍ଲା ସଦର ମହକୁମା ର ବିଭିନ୍ନ ସରକାରୀ, ବେସରକାରୀ କାର୍ଯ୍ୟାଳୟ ସହ ଛାତ୍ରଛାତ୍ରୀ ମାନେ ଶିକ୍ଷାନୁଷ୍ଠାନ କୁ ଯିବା ଓ ଯାତ୍ରୀ ଜୁନାଗଡ଼, ଭବାନୀପାଟଣା କେସିଙ୍ଗା, ବଲାଙ୍ଗୀର, ବରଗଡ଼ ଯିବାପାଇଁ ନିର୍ଭରଶୀଳ ରହୁଥିଲେ। ଦୀର୍ଘ ବର୍ଷ ଧରି ଏହି ବସ ଟି ବରଗଡ଼ ଓ ନବରଙ୍ଗପୁର ମଧ୍ୟରେ ଯାତ୍ରୀ ଙ୍କ ପାଇଁ ଲାଇଫ ଲାଇନ ସଦୃଶ ଥିଲା। ଶୁଣିବାକୁ ମିଳୁଛି ଏହି ବସ କୁ ବରଗଡ଼ ଓଏସଆରଟିସି ବିଭାଗ ପକ୍ଷରୁ ଏହି ରୁଟ ରେ ଚଳାଚଳ ବନ୍ଦ କରାଯାଇଛି। ବରଗଡ଼, ବଲାଙ୍ଗୀର, କଳାହାଣ୍ଡି ଓ ନବରଙ୍ଗପୁର ୪ ଜିଲ୍ଲା କୁ ଗମନାଗମନ କ୍ଷେତ୍ରରେ ଯୋଡୁଥିବା ଏହି ବସ ସେବା ନ ପାଇ ଯାତ୍ରୀ ହନ୍ତସନ୍ତ ହେଉଥିବା ବେଳେ ଓଏସଆରଟିସି ବିଭାଗ ପୁନଃ ଏହି ବସ ସେବା ଯୋଗାଇ ଦେବାକୁ ଅଞ୍ଚଳ ର ଯାତ୍ରୀ ମାନେ ଦାବି କରିଛନ୍ତି। ଏନେଇ ବରଗଡ଼ ଓଏସଆରଟିସି ଅଧିକାରୀ ଙ୍କ ପ୍ରତିକ୍ରିୟା ନେବାରୁ ବସ ଚଳାଚଳ ବନ୍ଦ ହୋଇନାହିଁ, ଗାଡି ମରାମତି ପାଇଁ କିଛିଦିନ ହେବ ସେବା ବନ୍ଦ ରହିଛି, ଆସନ୍ତା ୩ ଦିନ ମଧ୍ୟରେ ପୁଣି ବସ ସେବା ଆରମ୍ଭ ହେବ ବୋଳି କହିଛନ୍ତି ।