ଛେଚା ଖାଇଲେ ବାଇକ୍ ଚୋର

ଧର-ଧର , ମାର-ମାର , କହିକି ବୁହେ ଛେଚିଲେ , ଯିଏ ପାରିଲା ସିଏ ଛେଚିଲା । ମାଡ଼ ଖାଇବା ପରେ ଚୋର ଜଣକ ଚୋରି ଘଟଣାର ସମସ୍ତ ଘଟଣା ବାନ୍ତି କରି ପକାଇଲା ।

ଖୋର୍ଦ୍ଧା ଜିଲ୍ଲାର ସୁନ୍ଦରପୁର-ଉଦୟଗିରି ଗାଁ ମଝିରେ ଧରାପଡିଗଲା ବାଇକ୍ ଚୋର । ଚୋର ବିକ୍ରି କରୁଥିଲା ଚୋରା ମୋଟର ସାଇକେଲ । ଚୋର ଜଣକ ଯାହାର ମୋଟର ସାଇକେଲ ଚୋରି କରିଥିଲା ସେହି ଗାଡ଼ି ମାଲିକ ଙ୍କ ଜଣେ ସମ୍ପର୍କୀୟଙ୍କୁ ସେହି ଚୋରା ମୋଟର-ସାଇକେଲ ଟି ବିକ୍ରି କରିବା ବେଳେ ଧରାପଡିଗଲା । ସମସ୍ତେ ବୁହେ-ବୁହେ ଖୋବା-ଖୋବି କରିଦେବା ପରେ ସବୁ ସତ ଓଗାଳି ଥିଲା ଚୋର ଜଣକ ।

ଖୋର୍ଦ୍ଧା ଜିଲ୍ଲାର ଟାଙ୍ଗୀ ନିକଟସ୍ଥ ଉଜଳା-ଗୋପିନାଥପୁର ଗାଁର ଉପମା ପରିଡ଼ା ଏକାଧିକ ମୋଟର ସାଇକେଲ ଚୋରି କରିବା ପରେ ସେ-ସବୁକୁ ବିକ୍ରି କରୁଥିଲା , ହେଲେ ସେ ଜାଣି ନଥିଲା ଚୋର ଘର ସବୁଦିନ ଅନ୍ଧାର ନଥିବ , ଦିନେ-ନା-ଦିନେ ଧରାପଡିବ ବୋଲି । କାଳୁପଡାଘାଟ ରେଳ ଷ୍ଟେସନ ନିକଟରୁ ଉପମା ପରିଡ଼ା ଏକ ମୋଟରସାଇକେଲ କୁ ଚୋରି କରିବା ପରେ ତାହାକୁ ବିକ୍ରି କରୁଥିଲା , ଆଉ ଶେଷରେ ଧରପଡି ବୁହାଏ ଛେଚା ଖାଇବା ପରେ ପୋଲିସ ଜିମା ଦେଇଛନ୍ତି ଗାଁ ଲୋକେ । ଟାଙ୍ଗୀ ପୋଲିସ ପକ୍ଷରୁ ତଦନ୍ତ ଆରମ୍ଭ ହୋଇଛି ବୋଲି ଟାଙ୍ଗୀ ଥାନା ନିରୀକ୍ଷକ ସୁଶାନ୍ତ କୁମାର ବେହେରା ସୂଚନା ଦେଇଛନ୍ତି ।

ମୋ ଟିଭି ଓଡିଶା, ଖୋର୍ଦ୍ଧା