ବିଶାଲ ଦାସ ଅଟକ ଘଟଣାକୁ ନେଇ ବିଜେପି ଉପରେ ବିଜେଡ଼ି ଅଭିଯୋଗର କଡ଼ା ଜବାବ ରଖିଲା ବିଜେପି ।

ବିଜେପି ସରକାର ସବୁବେଳେ ଆଇନ ଓ ଗଣତନ୍ତ୍ରକୁ ସମ୍ମାନ ଦିଏ । ଔଷଧ ବିକଳରେ ତାଟିଆ କାମୁଡୁଛନ୍ତି ଦିପାଳି ଦାସ ଓ ତାଙ୍କ ପରିବାର । ଦିପାଲି ଦାସଙ୍କ ଭାଇ ଛତିଶଗଡ଼ରେ କଣ କରୁଥିଲେ ? ଦିପାଳୀ ଦାସ ତତ୍କାଳୀନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ପ୍ରଶ୍ନ ପଚାରନ୍ତୁ, ଯେ ତାଙ୍କ ସରକାର ବେଳେ ଜଣେ ପୋଲିସ ଅଧିକାରୀ କାହିଁକି ନବ ଦାସଙ୍କୁ ହତ୍ୟା କରିଥିଲେ ? ନବୀନ ବାବୁ କାହିଁକି ବିଧାନସଭାରେ ଏଫବିଆଇ ତଦନ୍ତ ବାବଦରେ ମିଛ କଥା କହିଥିଲେ ଦିପାଳୀ ପ୍ରଶ୍ନ କରନ୍ତୁ । ତେଣୁ ଡାର୍ଟି ପଲିଟିକ୍ସ କିଏ କରୁଥିଲା, ନବୀନ ବାବୁଙ୍କ ଯାଇ ଦିପାଳୀ ପଚାରନ୍ତୁ । ନବୀନ ପଟ୍ଟନାୟକ ଗଣତନ୍ତ୍ରକୁ ଦଳି ଚକଟି ମକଚୁ ଥିଲେ । କ୍ଷମତା ଗଲା ପରେ ବିଜେଡ଼ି କୁମ୍ଭୀର କାନ୍ଦଣା କାନ୍ଦୁଛି ।

ପୋଲିସକୁ ବିଜେଡ଼ି ଗୁଣ୍ଡା ଭଳି ବ୍ୟବହାର କରୁଥିଲା । ପ୍ରଦୀପ ପାଣିଗ୍ରାହୀଙ୍କ ଘଟଣାରୁ ଏହା ସ୍ପଷ୍ଟ ହୋଇସାରିଛି । ପୂର୍ବ ସରକାରରେ ଆଇନ ମନ୍ତ୍ରୀ ମୁଦାଲା ଥିଲେ, ତାଙ୍କୁ କିଏ ସୁରକ୍ଷା ଦେଇଥିଲା । କାର୍ଯ୍ୟକାରୀ ସଭାପତି ଥିବା ସତ୍ତ୍ୱେ ଦିପାଳୀଙ୍କ ବାପା ନବ ଦାସ କେମିତି କଂଗ୍ରେସ ଛାଡି ବିଜେଡିରେ ଯୋଗ ଦେଇଥିଲେ କହିବେ କି ? ନବ ଦାସ ହାରିଯିବା ଭୟରେ କଂଗ୍ରେସ ଛାଡ଼ି ବିଜେଡିରେ ମିଶିଥିଲେ କି ? ବିଜେଡ଼ି ନେତା ଅନୁପ ସାଏ ଜଣଙ୍କୁ ହତ୍ୟା କରି ଛତିଶଗଡରେ ଫୋପାଡି ଦେଇଥିଲେ, ସେତେବେଳେ ଓଡ଼ିଶା ପୋଲିସ ଚୁପ୍ ବସିଥିଲା । ଝାରସୁଗୁଡ଼ାରୁ ଅନୁପ ସାଏଙ୍କୁ ଛତିଶଗଡ ପୋଲିସ ଟେକି ନେଇଥିଲା ବୋଲି କହିଛନ୍ତି ବିଜେପି ମୁଖପାତ୍ର ମନୋଜ ମହାପାତ୍ର।

ମୋ ଟିଭି ଓଡିଶା, ଭୁବନେଶ୍ୱର