ଦିଲ୍ଲୀ ନିର୍ବାଚନ ପାଇଁ ବିଜେପିର ପ୍ରଥମ ପ୍ରାର୍ଥୀ ତାଲିକା

ଦିଲ୍ଲୀ ବିଧାନସଭା ନିର୍ବାଚନ ପାଇଁ ବିଜେପି ଜାରି କଲା ପ୍ରଥମ ପ୍ରାର୍ଥୀ ତାଲିକା । ୨୯ ଜଣ ପ୍ରାର୍ଥୀ ତାଲିକା ଘୋଷଣା କରିଛି ଭାରତୀୟ ଜନତା ପାର୍ଟି । ଆଦର୍ଶ ନଗର ଆସନରୁ ରାଜ କୁମାର ଭାଟିଆ, ବାଦଲି ଆସନରୁ ଦୀପକ ଚୌଧୁରୀ, ନୂଆଦିଲ୍ଲୀ ଆସନରୁ ପରଭେଶ୍ ବର୍ମା, କଲକାଜୀ ଆସନରୁ ରମେଶ ବିଧୁରୀ, ବିଜୱାସନ ଆସନରୁ କୈଳାଶ ଗେହଲୋଟ, ମାଲଭିୟ ନଗରରୁ ସତୀଶ ଉପାଧ୍ୟାୟଙ୍କୁ ମନୋନୀତ କରିଛନ୍ତି।

ଅନ୍ୟ ଦଳ ବିରୋଧରେ ବିଦ୍ରୋହ କରି ଭାଜପାରେ ଯୋଗ ଦେଇଥିବା ନେତାମାନଙ୍କୁ ମଧ୍ୟ ପାର୍ଟି ହାଇକମାଣ୍ଡ ଏକ ସୁଯୋଗ ଦେଇଛି। ଏଥିମଧ୍ୟରେ କରତର ସିଂ ତନୱାର, ରାଜକୁମାର ଚୌହାନ, କୈଳାଶ ଗେହଲୋଟ ଏବଂ ଅରବିନ୍ଦର ସିଂ ଲଭଲି ଅଛନ୍ତି। ଯେଉଁ ପ୍ରାର୍ଥୀଙ୍କ ନାମ ୨୯ ଟି ଆସନ ପାଇଁ ବିଜେପି ଘୋଷଣା କରିଛି ସେମାନଙ୍କ ମଧ୍ୟରୁ ଦୁଇଜଣ ମହିଳା। ରେଖା ଗୁପ୍ତାଙ୍କୁ ଶାଲିମାର ବାଗରୁ ଏବଂ କୁମାରୀ ରିଙ୍କୁ ସେମାପୁରୀ ଏସସି ଆସନରୁ ପ୍ରାର୍ଥୀ କରାଯାଇଛି।

ମୋ ଟିଭି ଓଡିଶା, ନୂଆଦିଲ୍ଲୀ