ଆଜି ଓଡ଼ିଶା ଆସୁଛନ୍ତି ବିଜେପି ର ହେଭି ୱେଟ ନେତା କେନ୍ଦ୍ର ଗୃହମନ୍ତ୍ରୀ ଅମିତ ଶାହ ଓ ହେମାମାଳିନୀ

ମୋଟିଭି ଓଡିଶା : ଭୁବନେଶ୍ୱର (୧୭/୦୫) : ୨୦୨୪ ନିର୍ବାଚନରେ ବିଜେପି ଫୋକସରେ ଓଡ଼ିଶା। ଏଥିପାଇଁ କେନ୍ଦ୍ରୀୟ ନେତାମାନେ ଘନ ଘନ ଓଡ଼ିଶା ଗସ୍ତରେ ଆସୁଛନ୍ତି। ଆଜି କେନ୍ଦ୍ରଗୃହ ମନ୍ତ୍ରୀ ଅମିତ ଶାହ ଆସୁଥିବା ବେଳେ ରାଉରକେଲାରେ ସେ ହାଇଭୋଲଟେଜ ପ୍ରଚାର କରିବେ। ଏହାସହିତ ବିଜେପି ଷ୍ଟାର ପ୍ରଚାରକ ଡ୍ରିମ ଗାର୍ଲ ହେମାମାଳିନୀ ଭୁବନେଶ୍ୱର ବିମାନବନ୍ଦରରେ ପହଞ୍ଚିଛନ୍ତି। ଭୁବନେଶ୍ୱର ଉତ୍ତର ଓ କଟକ କିଶନ ନଗରରେ ସଭା କରିବେ ହେମାମାଳିନୀ। ପରେ ପିପିଲିରେ ରୋଡ୍‌‌ ଶୋ କରିବାର କାର୍ଯ୍ୟକ୍ରମ ରହିଛି।

ଭୁବନେଶ୍ୱର ବିମାନବନ୍ଦରରେ ପହଂଚିବା ପରେ ପ୍ରତିକ୍ରିୟା ରଖି ହେମାମାଳିନୀ କହିଛନ୍ତି, ରାଜ୍ୟରେ ୨୫ ବର୍ଷର ସରକାର ପରିବର୍ତନ ହେବାର ସମୟ ଆସିଛି l ଓଡ଼ିଶାର ବିକାଶ ପାଇଁ ଏବେ ଡବଲ ଇଞ୍ଜିନ ସରକାର ଦରକାର l ଆଜି ରାଜସ୍ଥାନ ମୁଖ୍ୟମନ୍ତ୍ରୀ ଭଜନଲାଲ ଶର୍ମା ମଧ୍ୟ ଓଡ଼ିଶା ଆସି ପ୍ରଚାର କରିବେ। ସେ ସାନଖେମୁଣ୍ଡି, ଦଶପଲ୍ଲା, ଜି.ଉଦୟଗିରିରେ ପ୍ରଚାର କରିବେ।