୪ଦିନ ହେଲା ବୋରୱେଲରେ ଫସିରହିଛି ଚେତନା

୪ଦିନ ହେଲା ବୋରୱେଲରେ ଫସିରହିଛି ଚେତନା । ୧୫୦ଫୁଟ ବୋରୱେଲରେ ଫସିରହିଛି ୩ବର୍ଷର ଶିଶୁ କନ୍ୟା । ଜୀବନ ମରଣ ସହ ସଂଘର୍ଷ କରୁଛି ଚେତନା । ରାଜସ୍ଥାନର କୋଟପୁତଳୀ ଅଞ୍ଚଳରେ ଘଟିଛି ଏଭଳି ଘଟଣା । ଖେଳୁଥିବା ବେଳେ ବୋରୱେଲରେ ପଡ଼ିଯାଇଛି କୁନି ଝିଅ । ଉଦ୍ଧାର ପାଇଁ ଉଦ୍ୟମ ଚଳାଇଛି ଏନଡିଆରଏଫ ଓ ଏସଡିଆରଏଫ ।

ସୂଚନା ଅନୁସାରେ, ୨୩ ତାରିଖରେ ରାଜସ୍ଥାନର କୋଟପୁତଳି ନିକଟ ବଡିୟାଲି ଢାଣି ଗାଁର ଏକ ୩ ବର୍ଷର ଶିଶୁ କନ୍ୟା ଚେତନା ଖେଳୁଥିବା ବେଳେ ବୋରୱେଲରେ ଖସି ପଡ଼ିଥିଲା । ପିଲାଟିର ଚିତ୍କାର ଶୁଣି ତା’ ପରିବାର ଲୋକେ ସେଠାରେ ପହଞ୍ଚିଥିଲେ । ତୁରନ୍ତ ଉଦ୍ଧାରକାରୀ ଦଳ ଏବଂ ପୋଲିସକୁ ଖବର ଦେଇଥିଲେ । ଖବର ପାଇ ଘଟଣାସ୍ଥଳରେ ତୁରନ୍ତ ପହଞ୍ଚିଥିଲା ଉଦ୍ଧାରକାରୀ ଦଳ । କୁନିଝିଅ ଚେତନାକୁ ଉଦ୍ଧାର ପାଇଁ ଯୁଦ୍ଧକାଳୀନ ଭିତ୍ତିରେ ଚାଲିଛି ରେସକ୍ୟୁ ଅପରେସନ । ଚେତନାର ଗତିବିଧି ନିରିକ୍ଷଣ କରିବାକୁ ବୋରୱେଲ ଭିତରକୁ କ୍ୟାମେରା ପଠାଯିବା ସହ ପ୍ଲାଷ୍ଟିକ୍‌ ପାଇପ୍‌ ଯୋଗେ ଅକ୍ସିଜେନ ଯୋଗାଇ ଦିଆଯାଉଛି। ଏଥିସହ ପିଲାଟି ପାଇଁ ଖାଦ୍ୟ ସାମଗ୍ରୀ ଓ ପାଣି ବି ପଠାଯାଉଛି।

ବ୍ୟୁରୋ ରିପୋର୍ଟ : ମୋ ଟିଭି ଓଡିଶା