ପୂର୍ବ ସରକାରକୁ ମୁଖ୍ୟମନ୍ତ୍ରୀ ମୋହନ ମାଝୀଙ୍କ ନିଶାନା ।

କୃଷି ଓଡ଼ିଶା କାର୍ଯ୍ୟକ୍ରମରେ ପୂର୍ବ ସରକାରଙ୍କୁ ଟାର୍ଗେଟ କଲେ ମୁଖ୍ୟମନ୍ତ୍ରୀ । ‘ପୂର୍ବ ସରକାର କାମ କମ କରି ଅଧିକ ପ୍ରଚାର କରୁଥିଲେ । ଚାଷ ଓ ଚାଷୀଙ୍କୁ ଠକିଛନ୍ତି ପୂର୍ବ ସରକାର । ବର୍ତ୍ତମାନ ସରକାର ଚାଷୀଙ୍କ ସହ ଅଛନ୍ତି । ଦୁଇ ଦଶନ୍ଧି ଧରି କେବଳ ଧାନରେ ସ୍ୱାବଲମ୍ୱୀ ଓଡିଶା । ଅନ୍ୟ କୌଣସି କ୍ଷେତ୍ରରେ ଆମେ ସ୍ୱାବଲମ୍ୱୀ ନୁହେଁ । ଆଳୁ ପାଇଁ ପଶ୍ଚିମବଙ୍ଗ ନାଲି ଆଖି ଦେଖାଉଛି । ଆଉ ମମତା ଦିଦିଙ୍କର ଆମ ପ୍ରତି ଆଉ ମମତା ନାହିଁ । ପିଆଜ ପାଇଁ ମହାରାଷ୍ଟ୍ର, ଟମାଟୋ ପାଇଁ କର୍ଣ୍ଣାଟକ ଭରସା । ମାଛ ଅଣ୍ଡା ପାଇଁ ଆନ୍ଧ୍ରପ୍ରଦେଶ ଭରସା । ସେମାନେ ନଦେଲେ ଆମେ କିଛି ଖାଇପାରିବୁନି । ମଧ୍ୟାହ୍ନ ଭୋଜନରେ ପିଲାଏ ଅଣ୍ଡା ଖାଇପାରିବେନି । ଆଳୁ ଓ ପଣସ ମିଶନ କହି ଲୋକଙ୍କୁ ଠକିଲେ । ଅପରେସନ ସକ୍ସେସ ଫୁଲ ବଟ୍ ପେସେଣ୍ଟ ଡେଡ୍ । ଆପଣ ଚାଷୀଙ୍କ ଆଶା ଆକାଂକ୍ଷା ପୂରଣ କଲେ ନାହିଁ, ତେଣୁ ସେମାନେ ଆପଣଙ୍କୁ ବିରୋଧୀ ଦଳରେ ବସାଇଦେଲେ ।’

ମୋ ଟିଭି ଓଡିଶା, ଭୁବନେଶ୍ୱର