ପ୍ରାକ୍ତନ ସଭାପତିଙ୍କ ପରଲୋକରେ ଶୋକ ସଭା

ମୋ ଟିଭି ଓଡିଶା / ଆଗରପଡ଼ା : ୧୦/୦୮

ଭଦ୍ରକ ଜିଲ୍ଲା ବନ୍ତ ବ୍ଲକ ଗଣିଜାଙ୍ଗ ପଂଚାୟତ ସ୍ଥିତ କନ୍ତିଆ ଜଗନ୍ନାଥ ସଂସ୍କୃତ ମହାବିଦ୍ୟାଳୟ ପରିସରରେ ଉକ୍ତ ମହାବିଦ୍ୟାଳୟ ପରିଚାଳନା ପରିଷଦର ପ୍ରାକ୍ତନ ସଭାପତି ସ୍ୱର୍ଗତ ବିଦ୍ୟାଧର ଧଳଙ୍କ ପରଲୋକରେ ଏକ ଶୋକ ସଭା ଅନୁଷ୍ଠିତ ହୋଇଯାଇଛି । ମହାବିଦ୍ୟାଳୟ ଅଧ୍ୟକ୍ଷ ଶଙ୍କର୍ଷଣ ଦାଶଙ୍କ ଅଧ୍ୟକ୍ଷତାରେ ଅନୁଷ୍ଠିତ ଶୋକ ସଭାରେ ଅଧ୍ୟାପକ ସୁବାସ ନାୟକ, ଚନ୍ଦ୍ରକାନ୍ତ ବେହେରା, ମନୋଜ ରାଉତ୍‌, ସୁଶାନ୍ତ ବେହେରା, ସସ୍ମିତା ରାଉତ୍‌, କର୍ମଚାରୀ ଉତ୍ତମ ବିଶ୍ୱାଳ, ଶଙ୍କର୍ଷଣ ରାଉତ୍ ପ୍ରମୁଖଙ୍କ ସମେତ ସମସ୍ତ ଛାତ୍ରଛାତ୍ରୀ ଉପସ୍ଥିତ ଥିଲେ ।

ପ୍ରାରମ୍ଭରେ ସ୍ୱର୍ଗତ ଧଳଙ୍କ ଫଟୋ ଚିତ୍ରରେ ପୁଷ୍ପମାଲ୍ୟ ଅର୍ପଣ ପୂର୍ବକ ୨ମିନିଟ୍ ନୀରବ ପ୍ରାର୍ଥନା କରାଯାଇଥିଲା । ସ୍ୱର୍ଗତ ଧଳ ଉକ୍ତ ମହାବିଦ୍ୟାଳୟରେ ୨୦୧୦ରୁ ୨୦୧୨ପର୍ଯ୍ୟନ୍ତ ସଭାପତି ରହି ମହାବିଦ୍ୟାଳୟର ବହୁବିଧ ଉନ୍ନତି ସାଧନା କରିଥିଲେ । ଗତ ଗୁରବାର ବୟସାଧିକ କାରଣରୁ ଭୁବନେଶ୍ୱରର ଏକ ଘରୋଇ ମେଡ଼ିକାଲରେ ଚିିକତ୍ସାଧିନ ଅବସ୍ଥାରେ ୭୫ବର୍ଷ ବୟସରେ ସେ ମୃତ୍ୟୁ ବରଣ କରିଥିଲେ । ଉଗାତର ୨ଥର ଜିଲ୍ଲାପରିଷଦ ସଭ୍ୟ ଓ ୨୦୦୪ରୁ ୨୦୦୯ପର୍ଯ୍ୟନ୍ତ ବ୍ଳକ ବିଜେଡ଼ି ସଭାପତି ମଧ୍ୟ ସେ ଥିଲେ ।