ମଦ୍ୟପ ଯୁବକର ଉନ୍ମତ୍ତ କାଣ୍ଡ, ଦୁଇ ଜଣଙ୍କୁ ଖଣ୍ଡାରେ ଭୂଷି ଆକ୍ରମଣ କରି ଟାଉନ ପୋଲିସ ଦ୍ଵାରା ଗିରଫ..

ମୋ ଟିଭି ଓଡିଶା / ସୁନ୍ଦରଗଡ଼ : ୩୦/୦୭ (ଦେବେନ୍ଦ୍ର କୁମାର ଭିତ୍ରିଆ )

ସୁନ୍ଦରଗଡ଼ ଟାଉନ ଥାନା ଅନ୍ତର୍ଗତ ଶଙ୍କରାରେ ଜଣେ ମଦ୍ୟପ ଯୁବକର ଉନ୍ମତ୍ତ କାଣ୍ଡ । ଅତ୍ୟଧିକ ମଦ୍ୟପାନ କରି ନିଶା ସିକ୍ତ ଅବସ୍ଥାରେ ଏକ ଖଣ୍ଡା ଧରି ଲୋକଙ୍କୁ ଗୋଡାଇ ଗୋଡାଇ ଆତଙ୍କ ଖେଳାଇବା ସହ ଦୁଇ ଜଣଙ୍କୁ ଖଣ୍ଡା ଚୋଟରେ ଆକ୍ରମଣ କରିଛି। ମାତ୍ର ମଦ୍ୟପ ଯୁବକର ଖଣ୍ଡାରେ ଶାଣିତ ଧାର ନ ଥିବାରୁ ଆକ୍ରମଣର ଶିକାର ହୋଇଥିବା ଦୁଇ ଜଣ ବ୍ୟକ୍ତି ଅଳ୍ପକେ ବଡ ଧରଣର ଅଘଟଣରୁ ବର୍ତ୍ତି ଛନ୍ତି। ତେବେ କିଛି ସ୍ଥାନୀୟ ଯୁବକ ସାହସ ଜୁଟାଇ ସମ୍ପୃକ୍ତ ମଦ୍ୟପକୁ ବାନ୍ଧି ରଖିବା ସହ ଟାଉନ ପୋଲିସକୁ ସୂଚନା ଦେଇଥିଲେ।

ସୂଚନା ପାଇ ଟାଉନ ପୋଲିସ ଘଟଣା ସ୍ଥଳରେ ପହଞ୍ଚି ସମ୍ପୃକ୍ତ ମଦ୍ୟପ ଯୁବକକୁ ଘଟଣା ସ୍ଥଳରୁ ଗିରଫ କରି ଟାଉନ ଥାନାକୁ ନେବା ସହ ଆହତ ମାନଙ୍କୁ ସୁନ୍ଦରଗଡ଼ ଜିଲ୍ଲା ମୁଖ୍ୟ ଚିକିତ୍ସାଳୟକୁ ପଠାଇଛି । ଘଟଣାଟି ଆଜି ମଧ୍ୟାହ୍ନରେ ଘଟିଛି। ଶଙ୍କରା ଶିବ ମନ୍ଦିର ନିକଟରେ ମଦ୍ୟପ ଜଣଙ୍କ ଏହି କାଣ୍ଡ ଘଟାଇ ଲୋକଙ୍କ ମଧ୍ୟରେ ଆତଙ୍କ ଖେଳାଇଥିଲା। ତେବେ ମଦ୍ୟପ ଯୁବକର ନାମ ଚକ୍ର ସା ( Chakra Sa ) ବୋଲି ଜଣା ପଡିଛି। ପୋଲିସ ଅଧିକ ତଦନ୍ତ ଜାରି ରଖିଛି ।