ନିଖୋଜ ଯୁବକଙ୍କ ମୃତ ଦେହ ଉଦ୍ଧାର, ପରିବାର ଆଣିଲେ ହତ୍ୟା ଅଭିଯୋଗ, ପୋଲିସ ତଦନ୍ତ ଜାରି।

କଳାହାଣ୍ଡି:୧୮/୦୯

କଳାହାଣ୍ଡି ଜିଲ୍ଲା ଜୟପାଟଣା ଥାନା ଅନ୍ତର୍ଗତ ନୂଆଗୁଡା ଗ୍ରାମର କୁଶ ବାନେରିଆ(୨୧) ଙ୍କ ମୃତ ଦେହ ଲାଖବାହାଳି ଗ୍ରାମର ଏକ ଚାଷ ଜମି ନିକଟରେ ଥିବା ଗୋଟିଏ ଗଛ ଝୁଲନ୍ତା ଅବସ୍ଥାରେ ଥିବା ବେଳେ ଜୟପାଟଣା ପୋଲିସ ମୃତ ଦେହ ଉଦ୍ଧାର କରିଛି।ସୂଚନା ଅନୁଯାୟୀ ଗତ ରବିବାର ଦିନ ସନ୍ଧ୍ୟା ସମୟରେ ନୂଆଗୁଡା ଗାଁ ର କୁଶ ବାନେରିଆ ଏକ ସାଇକେଲ ଯୋଗେ ଲାଖବାହାଳି କୁ ଜଣେ ଝିଅ ସାଙ୍ଗ କୁ ଭେଟିବା ପାଇଁ ଯାଇଥିଲେ।କିନ୍ତୁ ସକାଳ ହୋଇଥିଲେ ସୁଦ୍ଧା ସେ ଘର କୁ ଫେରିନଥିଲେ।ଘର ଲୋକେ ଖୋଜାଖୋଜି ପରେ ତାଙ୍କୁ ନପାଇ ଜୟପାଟଣା ଥାନାରେ ନିଖୋଜ ଥିବା ଅଭିଯୋଗ କରିଥିଲେ।ଏ ନେଇ ପୋଲିସ ତଦନ୍ତ ଆରମ୍ଭ କରିଥିବା ବେଳେ ଲୋକେସନ ଟ୍ରାକ କରି ଗଛରେ ଝୁଲନ୍ତା ଅବସ୍ଥାରେ ଥିବା ଯୁବକଙ୍କ ମୃତ ଦେହ ଉଦ୍ଧାର କରିଛି।ମୃତ୍ୟୁ ର କାରଣ ଅସ୍ପଷ୍ଟ ରହିଥିବା ବେଳେ ପରିବାର ପକ୍ଷରୁ ହତ୍ୟା ଅଭିଯୋଗ ଅଣାଯାଇଛି।ଘଟଣା ସ୍ଥଳରେ ଥାନା ଅଧିକାରୀ ଶେଷଦେଵ ବେହେରା ଓ ଟିମ ପହଞ୍ଚି ତଦନ୍ତ ଆରମ୍ଭ କରିଛନ୍ତି।