ନେପାଳରେ ଭୂକମ୍ପ, ଥରିଲା ଉତ୍ତର ଭାରତ ।

ନେପାଳରେ ଭୂକମ୍ପ, ଥରିଲା ଉତ୍ତର ଭାରତ । ନେପାଳ, ଚୀନ ସହ ଉତ୍ତର ଭାରତର କିଛି ସ୍ଥାନରେ ଭୂକମ୍ପ ଅନୁଭୂତି । ନେପାଳରେ ଭୂକମ୍ପ ତୀବ୍ରତା ରିକ୍ଟର ସ୍କେଲରେ ୭.୧ ରହିଥିଲା । ଏହାର କମ୍ପନ ୟୁପି, ବିହାରରୁ ଦିଲ୍ଲୀ ପର୍ୟ୍ୟନ୍ତ ଅନୁଭୂତ ହୋଇଥିଲା । ନେପାଳ ଲୋବୁଚେ ଭୂକମ୍ପର କେନ୍ଦ୍ରସ୍ଥଳ । ଏହି ଭୂକମ୍ପରେ ପାଖାପାଖି ୫୩ ଲୋକଙ୍କ ମୃତ୍ୟୁ ହୋଇଥିବା ସୂଚନା ମିଳିଛି ଏବଂ କିଛି ଲୋକ ମାଟି ତଳେ ଚାପି ହୋଇ ରହିଥିବା ଜଣାପଡିଛି । ପଶ୍ଚିମବଙ୍ଗର ସିଲିଗୁରିରେ ମଧ୍ୟ ସକାଳ ୬.୩୭ ରେ ଭୂକମ୍ପ କମ୍ପନ ଅନୁଭୂତ ହୋଇଥିଲା ଯାହା ପ୍ରାୟ ୧୫ ସେକେଣ୍ଡ ପର୍ୟ୍ୟନ୍ତ ଚାଲିଥିଲା। ଏହା ବ୍ୟତୀତ ଜଲପାଇଗୁରିରେ ସକାଳ ୬.୩୫ରେ ଏବଂ କିଛି ସମୟ ପରେ କୁଚବେହେରରେ କମ୍ପନ ଅନୁଭୂତ ହୋଇଥିଲା। ବିହାରରେ ହୋଇଥିବା ଭୂକମ୍ପର ତୀବ୍ରତା ରିକ୍ଟର ସ୍କେଲରେ ୫.୧ ମାପ କରାଯାଇଥିଲା। ସକାଳ ୬.୪୦ରେ ସାମସ୍ତିପୁର, ମୋତିହାରୀ ସମେତ ଅନେକ ଅଞ୍ଚଳରେ ଭୂକମ୍ପ ଘଟିଥିଲା। ସୂଚନାନୁସାରେ, ପୃଥିବୀ ପ୍ରାୟ ୫ ସେକେଣ୍ଡ ପର୍ୟ୍ୟନ୍ତ କମ୍ପୁଥିଲା। ନେପାଳରେ ଅନୁଭୂତ ହୋଇଥିବା ଭୂକମ୍ପର କେନ୍ଦ୍ରସ୍ଥଳ ତିବ୍ଦତର ନେପାଳ-ଚାଇନା ସୀମାରେ ଥିବା ଡିଙ୍ଗେ କାନ୍ତିରେ ହୋଇଛି ବୋଲି ଏହା ନିଶ୍ଚିତ ହୋଇଛି।

ମୋ ଟିଭି ଓଡିଶା ଡେସ୍କ