ଲୋକସେବା ଭବନରେ ନକଲି ଅଧିକାରୀ ।

ଚାକିରି କରାଇଦେବାକୁ କହି ଲୁଟୁଥିଲେ ଲକ୍ଷାଧିକ ଟଙ୍କା । ଦଲାଲ ବ୍ୟାସଦେବ ରଣାଙ୍କୁ ଗିରଫ କଲା ପୋଲିସ । ପଂଚାୟତିରାଜ ବିଭାଗର ସେକ୍ସନ ଅଫିସର କହି ଠକୁଥିଲେ ବ୍ୟାସଦେବ । ତାଙ୍କ ପାଖରୁ ମିଳିଛି ନକଲି ସେକ୍ସନ୍ ଅଫିସରର ପରିଚୟ ପତ୍ର । ଠକେଇ ନେଇ ଏତଲା ଦେଇଥିଲେ ପୂର୍ଣ୍ଣଚନ୍ଦ୍ର ପରିଡ଼ା । ପୂର୍ଣ୍ଣଚନ୍ଦ୍ର ପରିଡାଙ୍କ ଏତଲା ଆଧାରରେ ବ୍ୟାସଦେବଙ୍କୁ ଲୋକ ସେବା ଭବନ ଗେଟ ଆଗରୁ ଗିରଫ ଗିରଫ କରିଛି କ୍ୟାପିଟାଲ ଥାନା ପୋଲିସ । ଏହି ଠକ ଦଲାଲ୍‌, ବ୍ୟାସଦେବଙ୍କ ଘର ହେଉଛି କଳାହାଣ୍ଡି, ଭୁବନେଶ୍ୱରରେ କିଛି ଦିନ ହେଲା ରହୁଛନ୍ତି । ଚାକିରୀ କରାଇଦେବା ନାଁରେ ପ୍ରାୟ ୧୨ ଲକ୍ଷ ଟଂକା ଠକେଇ କରିଥିବା ଅଭିଯୋଗ ହେଉଛି। ଘଟଣାରେ କ୍ୟାପିଟାଲ ଥାନା ପୋଲିସ ତଦନ୍ତ କରୁଛି । ମିଳିଥିବା ନକଲି ପରିଚୟ ପତ୍ରରେ ୨୦୨୦ରୁ ୨୦୨୪ ପର୍ଯ୍ୟନ୍ତ ଭ୍ୟାଲିଡିଟି ରହିଛି । ତେବେ ଏହି ପରିଚୟ ପତ୍ରଟି ପୂର୍ବ ସରକାର ସମୟରେ ଦିଆଯାଇଥିବାରୁ ବିଜେଡି ଲିଙ୍କ ଥିବା ନେଇ ସନ୍ଦେହ କରାଯାଉଛି ।

ମୋ ଟିଭି ଓଡିଶା, ଭୁବନେଶ୍ୱର