ଲଗାଣ ବର୍ଷାରେ ଘର ଭାଙ୍ଗିଯିବାରୁ ବାସହରା ହୋଇପଡିଛନ୍ତି ପରିବାର, ଅନ୍ୟର ଦୁଆର ବାରଣ୍ଡା ଏବେ ରହିବା ପାଇଁ ସାହା ଭରଷା ।

ମୋଟିଭି ଓଡ଼ିଶା, ଫୁଲବାଣୀ: ୨୬/୭(ସୁଶାନ୍ତ କୁମାର ସାହୁ, ସୁଶାନ୍ତ ଦିଗାଲ):

ରାଜ୍ୟରେ ଲଘୁଚାପ ପ୍ରଭାବରେ ତୁହାକୁତୁହା ବର୍ଷା ଲାଗିରହିଥିବା ବେଳେ କନ୍ଧମାଳ ଜିଲ୍ଲାରେ ମଧ୍ୟ୍ୟ ପାଞ୍ଚଦିନ ହେବ ବର୍ଷା ଲାଗିରହିଛି I ବର୍ଷାରେ ଜନ ଜୀବନ ଅସ୍ତବ୍ୟସ୍ତ ହୋଇପଡିଥିବା ବେଳେ ଜିଲ୍ଲାର ଅନେକ ଜାଗାରେ ନଦୀନାଳ ମାନଙ୍କରେ ବର୍ଷାପାଣି ପ୍ରବାହିତ ହେଉଥିବାରୁ ଅନେକ ଗାଁ ଏବେ ବାହ୍ୟଜାଗତରୁ ବିଛିନ୍ନ ହୋଇପଡିଛି I ଏହି ପରିପେକ୍ଷୀରେ କନ୍ଧମାଳ ଜିଲ୍ଲା ଫିରିଙ୍ଗିଆ ବ୍ଲକରେ ମଧ୍ୟ ବର୍ଷା ଲାଗିରହିଥିବା ବେଳେ ବର୍ଷା ପାଇଁ ବ୍ଲକର ବିଭିନ୍ନ ଜାଗାରେ ଅନେକ କ୍ଷୟକ୍ଷତି ମଧ୍ୟ୍ୟ ହୋଇଥିବା ସୂଚନା ମିଲିଛି । ଲଘୁଚାପ ବର୍ଷା ପ୍ରଭାବରେ ଆଜି ଗୋଟିଏ ପରିବାରର ପାଞ୍ଚ ସଦସ୍ୟ ସମ୍ପୂର୍ଣ୍ଣ ବାସହରା ହୋଇ ପର ପିଣ୍ଡାରେ ରାତି କାଟୁଥିବା ଭଳି ଖବର ପ୍ରାପ୍ତ ହୋଇଛି । ତେବେ ସୂଚନା ଅନୁସାରେ ବିଳମ୍ବିତ ରାତି ପ୍ରାୟ ୧୧ଘଟିକା ସମୟରେ ଅତ୍ୟଧିକ ବର୍ଷା ହେବାରୁ ଘର କାନ୍ତ ଭୁଶୁଡ଼ି ଛପର ଉଡ଼ି ସଂପୂର୍ଣ୍ଣ ନଷ୍ଟ ହେଇଛି। ରାତିରେ ସମସ୍ତେ ସୋଇଥିଲେ କିନ୍ତୁ ଅଳ୍ପକେ ବର୍ତ୍ତି ଯାଇଥିଲେ ପାଞ୍ଚ ପ୍ରାଣୀ । କାହାର କିଛି କ୍ଷତି ହୋଇନଥିବା ଜଣା ପଡ଼ିଛି। କନ୍ଧମାଳ ଜିଲ୍ଲା ଫିରିଙ୍ଗିଆ ବ୍ଲକ ପାଙ୍ଗା ଉପର ସାହି ପଂଚାୟତ ଡେଡିସରୁ ଗ୍ରାମର ମିଟୁ ବଗର୍ତ୍ତି ନିଜ ସ୍ତ୍ରୀକୁ ଓ ଛୁଆ ଦୁଇଟା କୁ ନେଇ ଏକ ଝାଟିମାଟି କୁଡ଼ିଆରେ ଦିନ କାଟୁଥିଲା ।ଜଙ୍ଗଲରୁ କାଠ ସଂଗ୍ରହ କରି ସେଥିରେ ଘର ତିଆରି କରି ନିଜ ପରିବାର ପାଇଁ ଆଶ୍ରୟସ୍ଥଳୀଟେ ଗଢିଥିଲା ।ଉଭୟ ଛାଉଣୀ ଓ କାନ୍ଥ ଇଟାରେ ତିଆରି ହୋଇଥିଲା । ଅନେକ ବର୍ଷର ଖଟଣି ପରେ ସେଥିରୁ କିଛି ସଂଚୟ କରି ଘରଟିଏ ଗଢି ତୋଳିବାରେ ସକ୍ଷମ ହୋଇ ପାରିଥିଲା ମିଟୁ ।ହେଲେ ଲଘୁଚାପ ବର୍ଷା ଆସି ମିଟୁର ଘରକୁ ସମ୍ପୂର୍ଣ୍ଣ ଭାଙ୍ଗି ଦେଇଗଲା ।ବର୍ତମାନ ମିଟୁ ଓ ତା ପରିବାର ବାର ଦୁଆରେ ମୁଣ୍ଡ ଗୁଂଜୁଛନ୍ତି ।ଆଗକୁ ମୌସୁମୀର ଆଗମନ ଥିବାରୁ ରହଣି ପାଇଁ ପରିବାର ଲୋକେ ବଡ଼ ଚିନ୍ତିତ ଅଛନ୍ତି । ପ୍ରଶାସନ ଏହି ନିରାଶ୍ରୟ ପରିବାରର ଯଥାଶୀଘ୍ର ଥଇଥାନ କରିବାକୁ ଗ୍ରାମବାସୀ ଦାବୀ କରିଛନ୍ତି ।