ବାର୍ଦ୍ଧକ୍ୟ ଜନିତ ସ୍ୱାସ୍ଥ୍ୟ ଶିବିର

ମୋ ଟିଭି ଓଡିଶା / ଆଗରପଡ଼ା : ୧୪/୦୮:

ବନ୍ତ ବ୍ଳକ ଗଣିଜାଙ୍ଗ ପଂଚାୟତ ସରକାରୀ ତୁଣ୍ଡା ହୋମିଓପ୍ୟାଥିକ ମେଡ଼ିକାଲ ପରିସରରେ ବୁଧବାର ବାର୍ଦ୍ଧକ୍ୟ ଜନିତ ସ୍ୱାସ୍ଥ୍ୟ ସମସ୍ୟାରୁ ଆରୋଗ୍ୟ ନିମନ୍ତେ ଏକ ସ୍ୱାସ୍ଥ୍ୟ ପରୀକ୍ଷା ଶିବିର ଅନୁଷ୍ଠିତ ହୋଇଯାଇଛି । ଉକ୍ତ ମେଡ଼ିକାଲ ଡ଼ାକ୍ତର ସନ୍ତୋଷ ବେହେରାଙ୍କ ତତ୍ତ୍ୱାବଧାନରେ ବାଲେଶ୍ୱର ଜିଲ୍ଲା ହୋମିଓପ୍ୟାଥିକ ଚିକିତ୍ସାଧିକାରୀ ଡ଼ାକ୍ତର ନିତ୍ୟାନନ୍ଦ ମହାପାତ୍ର ମୁଖ୍ୟ ଅତିଥି ଭାବେ ଯୋଗଦେଇ ଏହି ଶିବିରକୁ ଉଦ୍‌ଘାଟନ କରିଥିଲେ । ରାମକୃଷ୍ଣପୁର ସରକାରୀ ହୋମିଓପ୍ୟାଥିକ ମେଡ଼ିକାଲ ଡ଼ାକ୍ତର ଲକ୍ଷ୍ମୀପ୍ରିୟା ସେଠୀ,ଗଣିଜାଙ୍ଗ ସ୍ୱାସ୍ଥ୍ୟକେନ୍ଦ୍ରର କ୍ରିଷ୍ଣାରାଣୀ ସାହୁ,ସୁଦାମ ଚରଣ ମଲ୍ଲିକ,ଜଗନ୍ନାଥ ନାୟକ,ସୁନୀତା ଦାସ,ଇନ୍ଦିରା ପଣ୍ଡା,ସତ୍ୟଭାମା ରାଉତ,ଦମୟନ୍ତୀ ମିଶ୍ର,କନକଲତା ବିଶ୍ୱାଳ ପ୍ରମୁଖ ଯୋଗଦେଇଥିଲେ । ଏଥିରେ ଗଣିଜାଙ୍ଗ, ରାମପୁର, ରାମକୃଷ୍ଣପୁର, ସେଣ୍ଢତିରା, ଗୋବିନ୍ଦପୁର, କେନ୍ଦୁଆପଦା ସମେତ ବିଭିନ୍ନ ପଂଚାୟତରୁ ଆସିଥିବା ୬୦ବର୍ଷରୁ ଉର୍ଦ୍ଧ ବୟସ୍କ ଶତାଧିକ ବୃଦ୍ଧ,ବୃଦ୍ଧା ଉପସ୍ଥିତ ରହି ବିଭିନ୍ନ ପ୍ରକାର ରୋଗର ନିଜର ସ୍ୱାସ୍ଥ୍ୟ ପରୀକ୍ଷା କରିବା ସହିତ ହୋମିଓପ୍ୟାଥିକ ମେଡ଼ିସିନ ମଧ୍ୟ ନେଇଥିଲେ । ସରୋଜ ନାୟକ,ଭାସ୍କର ମହାପାତ୍ର,ହେମନ୍ତ ମହାପାତ୍ର,ବାଇଧର ରାଉତ,ଲକ୍ଷ୍ମୀଧର ରାଉତ,ହେମେନ୍ଦ୍ର ରାଉଳ,ଝୁନା ରାଉତ,ଲକ୍ଷ୍ମୀପ୍ରିୟା ରାଉଳ,ରିନା ରାଉଳ,ତିଳୋତ୍ତମା ରାଉଳ,ସତ୍ୟଭାମା ରାଉଳ ପ୍ରମୁଖ ଏହି କାର୍ଯ୍ୟକ୍ରମରେ ଉପସ୍ଥିତ ରହି ସହଯୋଗ କରିଥିଲେ ।