ଏୟାରପୋର୍ଟରୁ ୮୦ କିଲୋ ସୁନା‌, ଦେଢ କ୍ବିଣ୍ଟାଲ ରୁପା ଜବତ

ମୋ ଟିଭି ଓଡିଶା / ଭୁବନେଶ୍ୱର : ଭୁବନେଶ୍ବର ଏୟାରପୋର୍ଟରୁ ଜବତ ହେଲା ବିପୁଳ ପରିମାଣରେ ସୁନା ଓ ରୂପା । ଦୁଇଟି କଣ୍ଟେନରରେ ସୁନା-ରୁପା ଯାଉଥିବା ବେଳେ ଖବର ପାଇ ମାଡି ବସିଲା ସିଟି ଜିଏସଟି ବିଭାଗ । ଏସବୁ ସୁନା-ରୁପା ବିମାନ ଯୋଗେ ଭୁବନେଶ୍ବରକୁ ଆସିଛି । ପାଖାପାଖି ୮୦ କେଜି ସୁନା ଓ ଦେଢ କ୍ବିଣ୍ଟାଲ ରୁପା ଜବତ ହୋଇଥିବା ସୂଚନା ରହିଛି । ତେବେ ବିମାନ ଯୋଗେ ଏତେ ପରିମାଣର ସୁନା ଓ ରୁପା ଭୁବନେଶ୍ବରରୁ କାହିଁକି ଆସୁଥିଲା । ତାହାର ଖୋଳତାଡ କରିଛି ଉଭୟ ପୋଲିସ ଓ ସିଟି ଜିଏସଟି ବିଭାଗ । ବ୍ୟାଙ୍କରୁ ଏଟିଏମକୁ ଟଙ୍କା ଲୋଡ ପାଇଁ ଯେଉଁ ଗାଡି ବ୍ୟବହାର ହୁଏ ସେହି ଗାଡିରେ ଚାଲାଣ ହେଉଥିଲା ସୁନା । ସୁରକ୍ଷା ଦୃଷ୍ଟିରୁ ଏସବୁ ଗାଡିରେ କାରବାର ହୁଏ ଟଙ୍କା । ସେହି ଗାଡ଼ିକୁ ସୁନା ଚାଲାଣରେ ବ୍ୟବହାର କରାଯାଇଥିଲା । ଏହି ଗାଡିରେ ସୁରକ୍ଷା ବିଶେଷ ଗୁରୁତ୍ବ ଦିଆଯାଇଥାଏ । ଏହି ଗାଡ଼ିକୁ ଖୋଲିବା କଷ୍ଟକର ଯେଉଁମାନେ ସେହି ଗାଡି ଦାୟିତ୍ବରେ ଥିବେ ସେମାନେ‌ ଖୋଲି ପାରିବେ । ତେବେ ଏହି ଗାଡିରେ ସୁନା ନେବା ଆଣିବା ଅର୍ଥାତ୍ ଏକ ବଡ଼ ଧରଣର ସୁବ୍ୟବସ୍ଥିତ ଢାଞ୍ଚାରେ ଏପରି ସୁନା ଚାଲାଣ ହେଉଥିବା ସନ୍ଦେହ କରାଯାଉଛି ।