କନ୍ଧମାଳ ରେ ପୁଣି ଦେଖିବାକୁ ମିଳିଲା ଜନନୀ ଯନ୍ତ୍ରଣା I

ଗାଁ କୁ ଯିବା ପାଇଁ ରାସ୍ତା ନଥିବାରୁ ଷ୍ଟ୍ରେଚର ରେ ବୁହା ହେଲେ ଗର୍ଭବତୀ ମହିଳା I

ମୋଟିଭି ଓଡ଼ିଶା,ଫୁଲବାଣୀ,୨୬/୭(ସୁଶାନ୍ତ କୁମାର ସାହୁ, ସୁଶାନ୍ତ ଦିଗାଲ):

କନ୍ଧମାଳ ଜିଲ୍ଲାରେ ପିଛା ଛାଡ଼ୁନି ଜନନୀ ଯନ୍ତ୍ରଣା I ଏବେବି ଜିଲ୍ଲାର ଅନେକ ଗାଁ କୁ ରାସ୍ତା ନାହିଁ I ଯାହାପାଇଁ ଗାଁ କୁ ଯାଇପାରୁନି ଆମ୍ବୁଲାନ୍ସ କିମ୍ବା ଅନ୍ୟ କୌଣସି ଗାଡି I ରାସ୍ତା ନଥିବାରୁ ଖଟିଆ କିମ୍ବା ଦୋଳରେ ବୁହା ହେଉଛନ୍ତି ଗର୍ଭବତୀ ମହିଳା I ବାରମ୍ବାର ଏଭଳି ଅଭଯୋଗ ହୋଇ ଆସିବା ସହ ଏଭଳି ଖବର ବିଭିନ୍ନ ଗଣମାଧ୍ୟମର ଶିରୋନାମା ମଧ୍ୟ୍ୟ ପାଲଟୁଛି ତଥାପି ଜିଲ୍ଲାରେ ଥମିବାର ନା ଧରୁନି ଏହି ଜନନୀ ଯନ୍ତ୍ରଣା I ଏହି ପରିପେକ୍ଷୀରେ ପୁଣି ଥରେ ଏଭଳି ଏକ ଜନନୀ ଯନ୍ତ୍ରଣା ଭଳି ଅଭାବନୀୟ ଘଟଣା ସାମ୍ନାକୁ ଆସିଛି I ଗାଁ କୁ ରାସ୍ତା ନାଥୁବାରୁ ଯାଇପାରିଲାନି ଆମ୍ବୁଲାନ୍ସ I ଶେଷରେ ଆମ୍ବୁଲାନ୍ସ କର୍ମଚାରୀଙ୍କ ସହ ଆଶା କର୍ମୀ ଓ ଗ୍ରାମର ଅନ୍ୟକିଛି ଲୋକଙ୍କ ସହଯୋଗ ରେ ପ୍ରବଳ ବର୍ଷା ସତ୍ୱେ ପ୍ରସବ ଯନ୍ତ୍ରଣାରେ ଛଟପଟ ହୋଇ ପ୍ରାୟ ଏକ କିଲୋମିଟର ଷ୍ଟ୍ରେଚର ରେ ବୁହା ହୋଇ ଆସିବା ପରେ ମେଡିକାଲରେ ପହଂଚି ପାରିଛନ୍ତି ଜଣେ ଗର୍ଭବତୀ ମହିଳା ଇ

ଘଟଣା ଟି ଦେଖିବାକୁ ମିଳିଛି କନ୍ଧମାଳ ଜିଲ୍ଲା ଫିରିଙ୍ଗିଆ ବ୍ଲକ ପବିଙ୍ଗିଆ ପଞ୍ଚାୟତ ର ସାଇତିଙ୍ଗିଆ ରୁଗୁଡ଼ିସାହି ଗାଁ ରେ I ସୂଚନା ଅନୁସାରେ ମୃତ୍ୟୁଞ୍ଜୟ କହଁର ନାମକ ଜଣେ ବ୍ୟକ୍ତି ଙ୍କ ସ୍ତ୍ରୀ କମଳିନୀ କହଁର ଙ୍କ ପ୍ରସବ ଯନ୍ତ୍ରଣା ଆରମ୍ଭ ହୋଇଥିଲା I ପରିବାର ଲୋକେ ଗାଁ ର ଆଶା କର୍ମୀଙ୍କୁ ଯୋଗାଯୋଗ କରିଥିଲେ I ଆଶା କର୍ମୀ ସରିତା କହଁର 108 ଆମ୍ବୁଲାନ୍ସକୁ ଯୋଗାଯୋଗ କରିଥିଲେ I ତତକ୍ଷଣାତ ଆମ୍ବୁଲାନ୍ସ ମଧ୍ୟ୍ୟ ଗାଁ ରେ ପହଞ୍ଚିଥିଲା I କିନ୍ତୁ ରାସ୍ତା ନଥିବାରୁ ଆମ୍ବୁଲାନ୍ସଟି ଗାଁ ରେ ଥିବା ସ୍କୁଲ ପର୍ଯ୍ୟନ୍ତ ଯାଇ ଆଉ ଆଗକୁ ଯାଇପାରିନଥିଲା I ଯାହାଫଳରେ ପ୍ରସବ ଯନ୍ତ୍ରଣାରେ ଛଟପଟ ହେଉଥିବା ଗର୍ବବତୀ ମହିଳାଙ୍କୁ ବାଧ୍ୟ ହୋଇ ଆମ୍ବୁଲାନ୍ସର ଷ୍ଟ୍ରେଚର ରେ ଆମ୍ବୁଲାନ୍ସ କର୍ମଚାରୀ ସୁନୀଲ କୁମାର ପଣ୍ଡା, ଡ୍ରାଇଭର ଉଛବ ବଗର୍ତି ଓ ଆଲୋକ ପ୍ରଧାନ ଗ୍ରାମବାସୀଙ୍କ ସହଯୋଗରେ ପ୍ରାୟ ଏକ କିଲୋମିଟର ବିଲମାଳରେ ପ୍ରବଳ ବର୍ଷାରେ ଭଜିଭିଜି ଆମ୍ବୁଲାନ୍ସ କୁ ଆଣିଥିଲେ ଓ ପରେ ମହିଳା ଜଣକୁ ଫିରିଙ୍ଗିଆ ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ର ରେ ଭର୍ତି କରିଥିଲେ I ଅନ୍ୟପଟେ ମହିଳା ଙ୍କୁ ମେଡିକାଲ ରେ ଭର୍ତି କରିବାର ଅଧଘଣ୍ଟା ପରେ ମହିଳା ଜଣକ ଏକ ଶିଶୁପୁତ୍ରକୁ ଜନ୍ମ ଦେଇଥିବା ବେଳେ ବର୍ତମାନ ଉଭୟ ମା ଓ ନବଜାତ ଶିଶୁ ଙ୍କ ସ୍ୱାସ୍ଥ୍ୟ ଠିକ ଥିବା ସୂଚନା ମିଳିଛି I

ତେବେ ସୂଚନା ଅନୁସାରେ ଏହି ସାଇତିଙ୍ଗିଆ ରୁଗୁଡ଼ି ସାହି ଗାଁରେ ପ୍ରାୟ ଚାଳିସି ଟି ପରିବାର ବସବାସ କରିଆସୁଥିବା ବେଳେ ଏହି ଗାଁ କୁ କୌଣସି ରାସ୍ତା ନାହିଁ I ବର୍ଷାଦିନ ଆସିଲେ ଗ୍ରାମବାସୀ ମାନେ ବର୍ଷବର୍ଷ ଧରି ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି I ରାସ୍ତା ନିର୍ମାଣ ପାଇଁ ଗ୍ରାମବାସୀ ବାରମ୍ବାର ପଞ୍ଚାୟତ ଠାରୁ ଆରମ୍ଭ କାରି ବ୍ଲକ ଓ ଜିଲ୍ଲାପାଳ ଙ୍କୁ ମଧ୍ୟ୍ୟ ବାରମ୍ବାର ଦାବି କରିଆସୁଛନ୍ତି କିନ୍ତୁ ପ୍ରଶାସନ ପକ୍ଷରୁ ଏହି ଗାଁ କୁ ରାସ୍ତା ନିର୍ମାଣ ନେଇ କୌଣସି ପଦକ୍ଷେପ ନିଆଯାଉନାହିଁ I ଯାହାକୁ ନେଇ ଗ୍ରାମବାସୀ ଙ୍କ ମଧ୍ୟରେ ତୀବ୍ର ଅସନ୍ତୋଷ ଦେଖାଦେବା ସହ ରାସ୍ତା ନିର୍ମାଣ ପାଇଁ ଦାବି କରାଯାଇଛି I ସେପଟେ ଆମ୍ବୁଲାନ୍ସ କର୍ମଚାରୀ ମାନଙ୍କ ପାଇଁ ଜଣେ ଆସନ୍ନ ପ୍ରଶାବା ନିଛିନ୍ତ ମୃତ୍ୟୁ ମୁଖରୁ ବଞ୍ଚିଯାଇଛନ୍ତି I ଯାହାପାଇଁ ଏହି ରୁଗଡିସାହି ର ଗ୍ରାମବାସୀ ମାନେ ଆମ୍ବୁଲାନ୍ସ କର୍ମଚାରୀ ମାନଙ୍କୁ ଧନ୍ୟବାଦ ଅର୍ପଣ କରିଛନ୍ତି I