ଗୋଟିଏ ଦିନରେ ଦୁଇଟି ଯାଗାରୁ ୮ଟି ଛେଳି ଚୋରୀ ଥାନାରେ ଅଭିଯୋଗ।

ମୋ ଟିଭି ଓଡିଶା / ଖୋର୍ଦ୍ଧା : ଖୋର୍ଦ୍ଧା ଜିଲ୍ଲା ଜଂକିଆ ଥାନା ଅଂଚଳରେ ମାତିଛନ୍ତି ଛେଳି ଚୋର।ଦୁଇ ଦିନ ରେ ଦୁଇଟି ଯାଗାରୁ ୮ଟିଛେଳି ଚୋରି ନେଇ ଥାନାରେ ଅଭିଯୋଗ।ଚଳିତମାସ ୧୮ତାରିଖରେ ଗୋଳବାଇ ଗ୍ରାମ ପଞ୍ଚାୟତ ଅଧୀନସ୍ଥ କାୟା ଗ୍ରାମର ସୁମିତ୍ରା ବେହେରାଙ୍କ ୨ଟି ଛେଳିକୁ ଦୁର୍ବୃତ୍ତମାନେ ବିଳମ୍ବିତ ରାତି ପ୍ରାୟ ୨ଟା ବେଳେ ଏକ କାର ଯୋଗେ ଉଠାଇ ନେଇଥିଲେ । ସକାଳୁ ଗୁହାଳରେ ଛେଳି ନଥିବା ଦେଖି ଏଣେତେଣେ ଖୋଜାଖୋଜି କରିଥିଲେ । ପରେ ସୁମିତ୍ରା ସ୍ଥାନୀୟ ଅଞ୍ଚଳରେ ଲାଗିଥିବା ସିସି ଟିଭିକୁ ଯାଞ୍ଚ କରିଥିଲେ । ଯାଞ୍ଚ ବେଳେ ଏକ ଧଳା ରଙ୍ଗର କାରରୁ ୨/୩ଜଣ ବ୍ୟକ୍ତି ବାହାରି ସୁମିତ୍ରାଙ୍କ ଘର ଆଡ଼େ ଯାଉଥିବା ଦେଖିବାକୁ ପାଇଥିଲେ। ସୂମିତ୍ରା ଏନେଇ ଜଙ୍କିଆ ଥାନାରେ ଲିଖିତ ଅଭିଯୋଗ କରିଛନ୍ତି। ସେହିପରି ୧୮ତାରିଖ ବିଳମ୍ବିତ ରାତିରେ ଜଂକିଆ ଥାନା ଅନ୍ତର୍ଗତ ଅଚ୍ୟୁତପୁର ଗ୍ରାମପଞ୍ଚାୟତ ଜଗନ୍ନାଥ ପୁର ଗ୍ରାମର ଅନୁପମା ବେହେରାଙ୍କ ଗୁହାଳ ଘରୁ ୬ଟି ଛେଳିକୁ କୈ।ଣସି ଦୁର୍ବୁତ୍ତ ଚୋରି କରି ନେଇଯାଇଥିବା ଜଂକିଆ ଥାନାରେ ଲିଖିତ ଅଭିଯୋଗ ହୋଇଛି।ପୋଲିସ ଅଭିଯୋଗ ଆଧାରରେ ତଦନ୍ତ ଜାରି ରଖିଥିବା ବେଳେ ଲୁଟେରା ମାନଙ୍କ ଟେର ପାଇନାହିଁ ପୋଲିସ।