ରାଜ୍ୟରେ ପ୍ରଥମ ପର୍ଯ୍ୟାୟ ମତଦାନ, ସକାଳ ୯ଟା ସୁଦ୍ଧା ୯.୨୫ ପ୍ରତିଶତ ମତଦାନ

ମୋଟିଭି ଓଡିଶା : ଓଡ଼ିଶାରେ ଆଜି ହଉଛି ପ୍ରଥମ ପର୍ଯ୍ୟାୟ ମତଦାନ। ସକାଳ ୭ଟାରୁ ଭୋଟ ଗ୍ରହଣ ଆରମ୍ଭ ହୋଇଥିବା ବେଳେ ସନ୍ଧ୍ୟା ୬ଟା ଯାଏଁ ଚାଲିବ ମତଦାନ। ନୂଆକରି ଭୋଟ ଦେଉଥିବା ଭୋଟରଙ୍କ ମନରେ ଅନେକ ଉତ୍ସାହ ରହିଛି।୪ଟି ସଂସଦୀୟ କ୍ଷେତ୍ର ଓ ୨୮ଟି ବିଧାନସଭା ଆସନରେ ଚାଲିଛି ମତଦାନ। ନିଜର ମୂଲ୍ୟବାନ ଭୋଟ ଦେଇ ଆଗାମୀ ୫ବର୍ଷ ପାଇଁ ନୂଆ ଜନପ୍ରତିନିଧି ବାଛିବେ ଭୋଟର।  

ସକାଳ ୯ଟା ସୁଦ୍ଧା ୯.୨୫ ପ୍ରତିଶତ ମତଦାନ ହୋଇଥିବା ଇସିଆଇ ଆପରେ ସୂଚନା ଦିଆଯାଇଛି। ସେଥିରେ ଗଜପତି ଜିଲ୍ଲାରେ ୧୦.୨୦ ପ୍ରତିଶତ, ଗଞ୍ଜାମରେ ୬.୮୧ପ୍ରତିଶତ,ଚଳାହାଣ୍ଡିରେ ୯.୦୬ପ୍ରତିଶତ, କୋରାପୁଟରେ ୧୩.୧୪ ପ୍ରତିଶତ, ମାଲକାନଗିରିରେ ୯.୧୫ପ୍ରତିଶତ, ନବରଙ୍ଗପୁରରେ ୮.୮୭ପ୍ରତିଶତ, ମୋହନାରେ ୯.୫୦ପ୍ରତିଶତ, ପାରଳାଖେମୁଣ୍ଡିରେ ୧୧ପ୍ରତିଶତ, ବ୍ରହ୍ମପୁରରେ ୫.୦୫ପ୍ରତିଶତ, ଛତ୍ରପୁର ୫.୯୩ ପ୍ରତିଶତ, ଚିକିଟି ୭.୧୦ ପ୍ରତିଶତ, ଦିଗପହଣ୍ଡି ଓ ଗୋପାଳପୁରରେ ୮ପ୍ରତିଶତ ମତଦାନ ହୋଇଛି।

ତେବେ ଗଣତନ୍ତ୍ର ଏହି ମହାପର୍ବରେ ସମସ୍ତେ ସାମିଲ ହେବାକୁ ଅପିଲ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ଏକ୍ସରେ ପୋଷ୍ଟ କରି ମୁଖ୍ୟମନ୍ତ୍ରୀ କହିଛନ୍ତି ଯେ ଆପଣମାନଙ୍କ ପ୍ରତିଟି ଭେଟ୍‌‌ ଗଣତନ୍ତ୍ରର ଭିତ୍ତିକୁ ମଜଭୁତ କରିବ। ବିକାଶର ଧାରାକୁ ଆଗେଇ ନେବ। ସାଧାରଣ ନିର୍ବାଚନ ୨୦୨୪ରେ ବହୁ ସଂଖ୍ୟାରେ ମତଦାନ କରି ଗଣତନ୍ତ୍ରର ମହାପର୍ବରେ ସାମିଲ ହୁଅନ୍ତୁ।