ଆଗରପଡ଼ାରେ ସ୍ୱାଧୀନତା ଦିବସ

ମୋ ଟିଭି ଓଡିଶା / ଆଗରପଡ଼ା : ୧୬/୦୮

ବିଭିନ୍ନ ଅନୁଷ୍ଠାନ ପକ୍ଷରୁ ୭୮ତମ ସ୍ୱାଧୀନତା ଦିବସ ପାଳିତ ହୋଇଯାଇଛି । ଆଗରପଡ଼ା ସରକାରୀ ବାଳିକା ହାଇସ୍କୁଲରେ ଭାରପ୍ରାପ୍ତ ପ୍ରଧାନଶିକ୍ଷକ ଅଜିତ୍ ରାଉଳ ପତାକା ଉତ୍ତୋଳନ କରିବା ସହ ଅଭିବାଦନ ଗ୍ରହଣ କରିଥିଲେ । ହାଇସ୍କୁଲ ପରିସରରେ ଅନୁଷ୍ଠିତ ବର୍ଣ୍ଣାଢ୍ୟ ସମାରୋହରେ ପରିଚଳନା କମିଟି ସଭାନେତ୍ରୀ ବର୍ଷାରାଣୀ ମଲ୍ଲିକ,ସଭ୍ୟ ତଥା ସାମ୍ବାଦିକ ଅକ୍ଷୟ ସିଂହ,ଦୋଳଗୋବିନ୍ଦ ନାଥ ପ୍ରମୁଖ ସ୍ୱାଧୀନତା ଦିବସ ସଂପର୍କରେ ଉଦ୍‌ବୋଧନ ଦେଇଥିଲେ । ଏହି ଅବସରରେ କୃତୀ ଛାତ୍ରୀମାନଙ୍କୁ ପୁରସ୍କୃତ କରାଯାଇଥିଲା ।

ଭୀମସେନ ପାଳ, ବନଜିନୀ ନାୟକ, ଭାଗ୍ୟଶ୍ରୀ ପଣ୍ଡା, କୈଳାସ ପଣ୍ଡା, ସାଗରୀକା ମହାନ୍ତି, ସାବିତ୍ରୀ ଦାଶ, ପ୍ରମୋଦିନୀ ସାହୁ, ରଂଜିତା ଶିଅଳ, ବିଦ୍ୟୁତ୍‌ଲତା ଦାସ, ସୁଶାନ୍ତ ଜେନା, ଇତିଶ୍ରୀ ସାହୁ ପ୍ରମୁଖ ବିଭିନ୍ନ କାର୍ଯ୍ୟ ସଂପାଦନ କରିଥିଲେ । ସ୍ଥାନୀୟ କଳିଙ୍ଗ କଂପ୍ୟୁଟର୍ସ ପକ୍ଷରୁ ନିର୍ଦ୍ଦେଶକ ବିନୋଦ ଧଳ ସାମନ୍ତ ପତାତା ଉତ୍ତୋଳନ କରିଥିବା ବେଳେ ପରିଚାଳନା ନିର୍ଦ୍ଦେଶିକା ମୋନାଲିସା ମହାନ୍ତି ଉଦ୍‌ବୋଧନ ଦେଇଥିଲେ । କାଦବରାଙ୍ଗ ପଂଚାୟତ ଅନ୍ତର୍ଗତ ବନ୍ତଳା ନୋଡ଼ାଲ ସ୍କୁଲରେ ପ୍ରଧାନ ଶିକ୍ଷକ ଭାସ୍କର ଚନ୍ଦ୍ର ବିଶ୍ୱାଳଙ୍କ ଦ୍ୱାରା ପତାକା ଉତ୍ତୋଳନ କରାଯାଇଥିଲା । ଏହି ଅବସରରେ ଛାତ୍ରଛାତ୍ରୀଙ୍କ ମଧ୍ୟରେ ବକୃତା,ସଙ୍ଗୀତ ଓ ନୃତ୍ୟ ପ୍ରତିଯୋଗିତା ଅନୁଷ୍ଠିତ ହୋଇଥିଲା । ଏହାକୁ ଏସ୍‌ଏମ୍‌ସି ସଭାପତି କିଶୋର ରାଉତ, ଶିକ୍ଷକ ମିହିର ଆଇଚ, ମାନସ ଭୂୟାଁ, ମାୟାଧର ସାମଲ, ମନୋଜ ରାଉଳ, ଗୋପାଳକୃଷ୍ଣ ଜେନା, ସନ୍ଧ୍ୟାରାଣୀ ପହି ପ୍ରମୁଖ ପରିଚାଳନାରେ ସହଯୋଗ କରିଥିଲେ । ହିମାଂଶୁ ଯେନା ,ସ୍ନେହାଶିଷ ଯେନା ଓ ପୂଜାରାଣୀ ବେହେରାଙ୍କୁ ନାଚ,ଗୀତ ଏବଂ ବିତର୍କରେ ପୁରସ୍କୃତ କରାଯାଇଥିଲା । ସେହିପରି ବ୍ରହ୍ମଚାରୀ ସଂସ୍କୃତ ବିଦ୍ୟାଳୟ ଆନୁକୁଲ୍ୟରେ ସ୍ୱାଧୀନତା ଦିବସ ପାଳିତ ହୋଇଯାଇଛି ।

ବିଦ୍ୟାଳୟ ସଭାପତି ପୀତବାସ ପଣ୍ଡା ପତାକା ଉତ୍ତୋଳନ କରିଥିବା ବେଳେ ଏହି ଅବସରରେ ପ୍ରଧାନପଣ୍ଡିତ ଦେବେନ୍ଦ୍ର ପତିଙ୍କ ସଭାପତିତ୍ୱରେ ଆୟୋଜିତ ସଭାରେ ମୁଖ୍ୟ ଅତିଥି ଭାବେ ଅବସରପ୍ରାପ୍ତ ଓଡ଼ିଆ ଅଧ୍ୟାପକ ଗଜେନ୍ଦ୍ର ସେନାପତି, ସମ୍ମାନୀତ ଅତିଥି ଭାବେ ଅବସରପ୍ରାପ୍ତ ଶିକ୍ଷକ ମଧୁସୂଦନ ସାହୁ ଓ ଶିକ୍ଷାବିତ୍ ଭଗିରଥ ସାହୁ ଯୋଗ ଦେଇଥିବା ବେଳେ ମୁଖ୍ୟବକ୍ତା ଭାବେ ଚାରିଗାଁ ପଂଚାୟତ ସମିତି ସଭ୍ୟ ଧରଣୀଧର କର ଯୋଗ ଦେଇଥିଲେ । ଅତିଥିମାନଙ୍କ ଦ୍ୱାରା ଆୟୋଜିତ ବିଭିନ୍ନ ପ୍ରତିଯୋଗିତାରେ କୃତୀ ଛାତ୍ରଛାତ୍ରୀଙ୍କୁ ପୁରସ୍କୃତ କରାଯାଇଥିଲା । ସହକାରୀ ଶିକ୍ଷକ ବିଜୟ ପାଣିଗ୍ରାହୀ, ବୁଦ୍ଧଦେବ ପ୍ରଧାନ, କୈଳାସ ଚୌଧୁରୀ, ବୈରୀଗଂଜନ ଥଟେଇ, ଶିକ୍ଷୟିତ୍ରୀ ସୁକାନ୍ତି ଧୃପତି, ସସ୍ମିତା ପଣ୍ଡା, ସବିତା ସାହୁ ଓ ସନ୍ଧ୍ୟା ପଣ୍ଡା ପ୍ରମୁଖ ବିଭିନ୍ନ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ ।